Բաքվում ԵՄ դեսպան․ ԶԼՄ-ների ազատության իրավիճակն Ադրբեջանում մտահոգիչ է

Բաքվում ԵՄ դեսպան․ ԶԼՄ-ների ազատության իրավիճակն Ադրբեջանում մտահոգիչ է

PanARMENIAN.Net - Ադրբեջանում ԵՄ առաքելության ղեկավար, դեսպան Պյոտր Միխալկոն մայիսի 3-ին նշվող Մամուլի ազատության համաշխարհային օրվա կապակցությամբ լրագրողների հետ հանդիպմանը հայտարարել է, որ ԶԼՄ-ների ազատության իրավիճակն Ադրբեջանում մտահոգիչ է։

«ԶԼՄ–ների ազատությունը մեր առաջնահերթություններից մեկն է։ Այդ հարցը միշտ օրակարգում է և իրավիճակն Ադրբեջանում մտահոգություն է առաջացնում։ Մենք դրան ուշադրություն ենք դարձնում մեր երկխոսության մեջ»,- ասել է նա, հայտնում է Turan.az-ը։

Նա նաև ափսոսանք է հայտնել վերջին շրջանում լրագրողների կալանավորումների վերաբերյալ։

Միխալկոն նաև կարևորել է միջազգային կազմակերպությունների հանձնարարականների կատարումը, մասնավորապես՝ «Մեդիայի մասին» օրենքի վերաբերյալ։

ԱՄՆ–ում ևս խորը մտահոգություն էին հայտնել ադրբեջանցի հայտնի իրավապաշտպան Անար Մամեդլիի ձերբակալության կապակցությամբ։ Նրան ձերբակալել են ապրիլի 29–ին։ Պատճառների մասին մանրամասներ հայտնի չեն։

Ապրիլի 25–ին Եվրախորհրդարանը Ադրբեջանին դատապարտող բանաձև է ընդունել՝ քաղաքացիական հասարակության հետապնդումների համար։Եվրախորհրդարանը կոչ է արել Եվրոպական հանձնաժողովին կասեցնել էներգետիկ գործակցությունը Բաքվի հետ և պատժամիջոցներ սահմանել Ադրբեջանի պաշտոնյաների դեմ:

 Ուշագրավ
Կողմերը քննարկելու են նաև համագործակցությունը նավթագազային ոլորտում
Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում
Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական
---