Կոբախիձեն հրաժարվել է ԱՄՆ այցից` պայմանը «օտարերկրյա գործակալների մասին» օրենքի ընդունման կասեցումն էր

Կոբախիձեն հրաժարվել է ԱՄՆ այցից` պայմանը «օտարերկրյա գործակալների մասին» օրենքի ընդունման կասեցումն էր

PanARMENIAN.Net - Վրաստանի վարչապետ Իրակլի Կոբախիձեն հրաժարվել է ԱՄՆ այցից, քանի որ պայմանը այսպես կոչված «օտարերկրյա գործակալների մասին» օրենքի ընդունման կասեցումն էր։ Այդ մասին ասվում է Վրաստանի ԱԳՆ հայտարարության մեջ։

Վրաստանի իշխանությունները պնդում են, որ ՈԿԿ–ների և ԶԼՄ–ների արտերկրյա ֆինանսավորումը պետք է թափանցիկ լինի, իսկ հակառակորդները պնդում են, որ այդ օրինագիծը պիտակավորում է և խոչընդոտում Վրաստանի ինտեգրմանը ԵՄ–ին, գրում է Sputnik-georgia-ն։

«Ցանկանում ենք պարզաբանել, որ Վրաստանի վարչապետն ԱՄՆ էր հրավիրվել այն վերապահումով, որ մինչ այցը Վրաստանի խորհրդարանը ժամանակավորապես կդադարեցնի «Օտարերկրյա ազդեցության թափանցիկության մասին» օրինագծի քննարկումը»,–ասվում է ԱԳՆ հայտարարության մեջ։

Մայիսի 2–ին Վրաստանում ԱՄՆ դեսպան Ռոբին Դաննիհանը, մեկնաբանելով վիճահարույց օրինագիծը, հայտարարել էր, որ Վրաստանի կառավարության ընտրությունը վերջին շաբաթներին «հեռացրել է երկիրը եվրաատլանտյան ապագայից»։

Դեսպանը նաև ասել էր, որ Վրաստանի կառավարության բարձրաստիճան պաշտոնյաները հրավիրվել էին ԱՄՆ ՝ ռազմավարական գործընկերության և աջակցության հարցը ԱՄՆ բարձրագույն ղեկավարության հետ քննարկելու նպատակով, սակայն, վրացական կողմը հրաժարվել է հրավերից։

Այսպես կոչված «օտարերկրյա գործակալների մասին» օրենքի ընդդիմախոսները այն անվանում են «ռուսական օրենք»։ Ապրիլի 15–ից սկսած նրանք ամեն օր բողոքի ակցիաներ են անցկացնում Թբիլիսիում։ Ապրիլի 30–ին և մայիսի 1–ին, երբ քննրկվում էր օրինագիծը, դրանք վերաճեցին անկարգությունների։

Օրենքը չընդունելու կոչվ են հանդես եկել ԵՄ–ն, ԱՄՆ–ն, ՆԱՏՕ–ն, ՄԱԿ–ը։

Մայիսի 1–ին Վրաստանի խորհրդարանը երկրորդ ընթերցմամբ ընդունել է «օտարերկրյա գործակալների մասին» օրենքը։ Հազարավոր քաղաքացիներ կրկին բողոքի ցույց են անցկացրել Վրաստանի խորհրդարանի շենքի մոտ, ոստիկանությունը նրանց դեմ հատուկ միջոցներ է կիրառել, կան նաև հոսպիտալացվածներ։ 63 մարդ բերման է ենթարկվել։ Վրաստանի նախագահ Սալոմե Զուրաբիշվիլին սատարել է ցուցարարներին, սակայն , կոչ է արել նրանց չհրահրել բախումներ ոստիկանության հետ:

Զուրաբիշվիլին բրիտանական Sky News-ի հարցազրույցում հայտարարել է, որ Խնդիրը շատ ավելի լուրջ է, քան «Օտարերկրյա թափանցիկության մասին» օրինագիծը։ Նա ասել է, որ վետո կդնի այդ օրենքի վրա, սակայն խորհրդարանը վետոն կհաղթահարի:

 Ուշագրավ
Կողմերը քննարկելու են նաև համագործակցությունը նավթագազային ոլորտում
Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում
Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական
---