Ալիևը Բորգին ասել է, թե ԵԱՀԿ Մինսկի խումբը պետք է չեղարկել

Ալիևը Բորգին ասել է, թե ԵԱՀԿ Մինսկի խումբը պետք է չեղարկել

PanARMENIAN.Net - Ադրբեջանի նախագահ Իլհամ Ալիևը ԵԱՀԿ գործող նախագահ, Մալթայի ԱԳ նախարար Յան Բորգի հետ Բաքվում կայացած հանդիպմանը հայտարարել է, թե ՄԽ-ն պետք է չեղարկել, քանի որ այն վերջին 30 տարում «չի նպաստել հակամարտության լուծմանը» և որ Ադրբեջանն իր ուժերով է դա արել։

Նա ասել է, թե այդ ինստիտուտի ստեղծման պահից ի վեր ոչ այդ կազմակերպությունը, ոչ ԵԱՀԿ Մինսկի խմբի համանախագահները «ոչինչ չեն ձեռնարկել հակամարտության հետևանքների վերացման համար», հայտնում է Haqqin.az-ը։

«Հայ–ադրբեջանական հակամարտությունն արդեն պատմության գիրկն է անցել և այլևս գոյություն չունի, ժամանակն է չեղարկել ԵԱՀԿ Մինսկի խումբը և փոխկապակցված բոլոր ինստիտուտները։ Ադրբեջանը բարձրացրել է այդ հարցը և չկա որևէ պատճառ, որպեսզի հայկական կողմն իր համաձայնությունը չտա»,–ասել է նա։

Ադրբեջանը սեպտեմբերի 19-ին Արցախի դեմ լայնամասշտաբ հարձակում է իրականացրել՝ ամբողջությամբ զանգվածային հրետակոծության տակ առնելով երկիրը։ Արդյունքում մեկ օր անց՝ սեպտեմբերի 20-ին ԱՀ իշխանություններն ընդունել են ռուսական խաղաղապահ առաքելության հրամանատարության առաջարկը կրակի դադարեցման վերաբերյալ՝ համաձայնվելով Բաքվի պայմաններին՝ ՊԲ զինաթափում և Արցախի Հանրապետության լուծարում։ Սեպտեմբերի 24-ից արցախցիների բռնի տեղահանում է սկսվել, 100,000–ից ավելի մարդ է բռնի տեղահանվել Հայաստան: Ըստ որոշ տվյալների, Արցախում մոտ 40 հայ է մնացել։ Սեպտեմբերի 28–ին ԱՀ նախագահ Սամվել Շահրամանյանը հրամանագիր է ստորագրել ԱՀ լուծարման մասին, որը ուժի մեջ է մտել 2024–ի հունվարի 1–ից։

 Ուշագրավ
«Ուղարկող երկրի առանձնաշնորհն է որոշել այս կամ այն երկրում դեսպանի թեկնածությունը»,–ասել է նա
Նա նշել է, որ աշխատանքներ են տարվում Ադրբեջանի և ՀՀ միջև խաղաղության համաձայնագրի ստորագրման ուղղությամբ
Նա այդ մասին խոսել է ԱԶԿ խորհրդարանական խմբակցության հետ հանդիպման ժամանակ
---