Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում

Փաշինյանը՝  Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում

PanARMENIAN.Net - Վարչապետ Նիկոլ Փաշինյանը Երևանում ընթացող Վերակառուցման և զարգացման եվրոպական բանկի (ՎԶԵԲ) տարեկան ժողովում ունեցած ելույթում, անդրադառնալով Ադրբեջանի հետ խաղաղության գործընթացին, ասել է, որ տիեզերք թռիչքները ևս անիրական էին թվում։

Նա հավելել է, որ և Հայաստանը, և Ադրբեջանը բախվում են խաղաղ գործընթացի ընկալման խնդրին, քանի որ երբեք չեն սովորել դրա սկզբունքները, հայտնում է Sputnik Արմենիան։

Փաշինյանն ընդգծել է, որ այս ոլորտում փորձի բացակայությունը առաջացնում է անորոշություն և անհանգստություն, ինչը խորանում է պատմական փորձով, որն ազդարարում է խաղաղ կարգավորման թվացյալ անհնարինության մասին:

«Այնուամենայնիվ, դարավոր փորձը ցույց է տվել, որ տիեզերք թռչելը նույնպես անհավանական է։ Բայց մարդիկ հասան դրան, քանի որ պատրաստ էին նոր բաներ սովորել: Եվ հիմա դեպի տիեզերք թռիչքներով արդեն ոչ ոքի չես զարմացնի», - հավելել է Փաշինյանը։

Վարչապետն ընդգծել է, որ Հայաստանի ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը: Նա ուշադրություն հրավիրեց անդրտարածաշրջանային հաղորդակցությունների ստեղծման վրա, որոնք կանցնեն տարբեր երկրների տարածքներով՝ կարևորություն ներկայացնելով ինչպես այդ պետությունների, այնպես էլ տարածաշրջանից դուրս գտնվող երկրների համար:

«Տավուշը հանուն հայրենիքի» շարժման ներկայացրած մայիսի 15–ի օրակարգի համաձայն ցուցարարները ժամը 15:30-ին հավաքվել են հետևյալ չորս կետերում և շարժվելու են դեպի Օպերա՝ դրսևորելու խաղաղ անհամաձայնությունը. Սարյանի անվան այգի, Կոնսերվատորիայի դիմացի այգի, Սուրբ Աննա եկեղեցու բակ, Հյուսիսային պողոտա (Բանալիի մոտ), քանի որ ժամը 17:00-ին օպերայում EBRD միջազգային ֆորումի շրջանակներում կայանալու է միջոցառում, որին մասնակցելու է վարչապետ Նիկոլ Փաշինյանը: Ոստիկանությունը հայտարարել է, որ միջոցառման հետ կապվա ժամը 15։00–ից Օպերայի հարակից փողոցները փակ են լինելու։ «Տավուշը հանուն հայրենիքի» շարժումը հայտարարել է, որ երթեր սկսվելու են նախանշված տեղերից և կոչված են ցույց տալու ժամանած հյուրերին, որ «ՀՀ վարչապետը տարածքներ հանձնելու համար երկրում լեգիտիմություն չունի»:

 Ուշագրավ
Նա ասել է, որ այդ հարցը ճիշտ չէ փոխկապակցել խաղաղության պայմանագրի ստորագրման հարցի հետ
«Իմ այցը Երևանում Հայոց ցեղասպանության հուշահամալիր խորապես հուզիչ էր»,–գրել է նա
Նշվում է, որ հատկապես վերջին օրերին տարածված կեղծիքին պետք է պատասխանել
Ըստ ադրբեջանական ԶԼՄ–ների, «համարժեք պատասխան միջոցներ են ձեռնարկվել»
---