Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը

Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը

PanARMENIAN.Net - «Տավուշը հանուն հայրենիքի» շարժման առաջնորդ Բագրատ սրբազանը, ներկայացնելով շարժման կարճաժամկետ գործողությունների ծրագիրը, հայտնել է, որ առաջիկայում նախատեսում է մեծ հանդիպում անցկացնել քաղաքական բոլոր ուժերի ներկայացուցիչների հետ, քննարկվելու է վարչապետի թեկնածուի հարցը։

«Ես ուզում եմ, որ դրան մասնակցեն բոլոր քաղաքական ուժերի ներկայացուցիչները»,– ասել է նա, հայտնում է Sputnik Արմենիան։

Սրբազանի խոսքով՝ նախատեսված են նաև հանդիպումներ տարբեր մասնագիտությունների ներկայացուցիչների հետ։ Երկու օրից նախատեսված է հանդիպում բժիշկների, այնուհետև նախկին սպաների հետ. շարժման փաստաբաններն արդեն բանակցել են իրավաբանների հետ։

«Դժբախտաբար ՀՀ նախկին նախագահների հետ չեմ հանդիպել»,– հավելել է Բագրատ սրբազանը։

Նա տեղեկացրել է, որ սպասվում են նաև հանդիպումներ տնտեսագետների, մշակույթի և արվեստի գործիչների հետ:

Սրբազանն անդրադարձել է նաև Բաքվի բանտում պահվող Արցախի ռազմաքաղաքական ղեկավարությանը՝ նշելով, որ ՀՀ իշխանությունը չի բարձրաձայնում այդ հարցը հնարավոր բոլոր հարթակներում։

Նա նշել է, որ սա Հուդայի պատմությունն է՝ Բաքվի բանտերում պահվող Արցախի ղեկավարության հետ աղ ու հաց են կիսել , գրում է Panorama.am-ը։

«Երեկ համաժողովի էր, այնտեղ արծարվե՞լ է այդ հարցը։ Հիմա դրա մասին է խոսքը։ Հնարավոր բոլոր հարթակներում չեն բարձրաձայնում։Ի վերջո ձեր հայրենակիցներն են, չէ՞։ Սա հանցանք է, մեղք, հակամարդկային է։ Այդ մարդկանց հետ ինքը հաց է կերել, գնացել սնվել է, ուղղաթիռով իջնում էր, դիմավորում էին, ողջագուրվում էին, գնում էին երդմնակալությանը։ Բա ի՞նչ եղավ այդ ամենը։ Այդ ամենն արժեք չունե՞ր»,–ասել է նա։

«Տավուշը հանուն հայրենիքի» շարժման ներկայացրած մայիսի 15–ի օրակարգի համաձայն ցուցարարները ժամը 15:30-ին հավաքվել են հետևյալ չորս կետերում և շարժվելու են դեպի Օպերա՝ դրսևորելու խաղաղ անհամաձայնությունը. Սարյանի անվան այգի, Կոնսերվատորիայի դիմացի այգի, Սուրբ Աննա եկեղեցու բակ, Հյուսիսային պողոտա (Բանալիի մոտ), քանի որ ժամը 17:00-ին օպերայում EBRD միջազգային ֆորումի շրջանակներում կայանալու է միջոցառում, որին մասնակցելու է վարչապետ Նիկոլ Փաշինյանը: Ոստիկանությունը հայտարարել է, որ միջոցառման հետ կապվա ժամը 15։00–ից Օպերայի հարակից փողոցները փակ են լինելու։ «Տավուշը հանուն հայրենիքի» շարժումը հայտարարել է, որ երթեր սկսվելու են նախանշված տեղերից և կոչված են ցույց տալու ժամանած հյուրերին, որ «ՀՀ վարչապետը տարածքներ հանձնելու համար երկրում լեգիտիմություն չունի»:

 Ուշագրավ
Ազատման պատճառներից են քաղաքացիների հանդեպ ոչ պատշաճ վերաբերմունքը
Սոչի-Երևան չվերթի ինքնաթիռն ուղևորվել է Թբիլիսիի օդանավակայան
Ավինյանը հանձնարարել է նիստից հետո քննարկում անցկացնել և իրեն զեկուցել
---