Արցախցիներից մեքենաների գույքահարկի մասին տեղեկանք չի պահանջվի

PanARMENIAN.Net - Հունիսի 15-ից արցախցիներից ավտոմեքենաների գույքահարկի կատարման մասին տեղեկանք չի պահանջվելու, հայտնում է Արցախի տեղեկեկատվական շտաբը։

Դա վերաբերում է մասնավոր տրանսպորտային միջոցներին։

Տեղեկանք չի պահանջվի ՀՀ կառավարության համապատասխան որոշման մեջ կատարված փոփոխության համաձայն։

Ադրբեջանը 2023–ի սեպտեմբերի 19-ին Արցախի դեմ լայնամասշտաբ հարձակում է իրականացրել՝ ամբողջությամբ զանգվածային հրետակոծության տակ առնելով երկիրը։ Արդյունքում մեկ օր անց՝ սեպտեմբերի 20-ին ԱՀ իշխանություններն ընդունել են ռուսական խաղաղապահ առաքելության հրամանատարության առաջարկը կրակի դադարեցման վերաբերյալ՝ համաձայնվելով Բաքվի պայմաններին՝ ՊԲ զինաթափում ե Արցախի Հանրապետության լուծարում։ Սեպտեմբերի 24-ից արցախցիների բռնի տեղահանում է սկսվել, 100,000–ից ավելի մարդ է բռնի տեղահանվել Հայաստան: Ըստ որոշ տվյալների, Արցախում մոտ 40 հայ է մնացել։ Սեպտեմբերի 28–ին ԱՀ նախագահ Սամվել Շահրամանյանը հրամանագիր է ստորագրել ԱՀ լուծարման մասին, որը ուժի մեջ է մտել 2024–ի հունվարի 1–ից։