Հայաստանի եւ Թուրքիայի արտաքին գործերի նախարարներ Վարդան Օսկանյանի եւ Իսմաիլ Ջեմի հանդիպումը, հնարավոր է, որ կայանա հունիսի 24-25 Ստամբուլում Սեւծովյան տնտեսական համագործակցության կազմակերպության ստամբուլյան գագաթնաժողովի շրջանակներում: Այդ մասին «Արմինֆո» գործակալության թղթակցի հետ զրույցում հաղորդել է Հայաստանի ԱԳՆ մամլո քարտուղար Ձյունիկ Աղաջանյանը: Նրա խոսքերով, վերջնական պայմանավորվածություն նման հանդիպում անցկացնելու վերաբերյալ չկա: Այնինչ, հաղորդագրություններն այն մասին, թե Ստամբուլում կկայանա Հայաստանի, Ադրբեջանի եւ Թուրքիայի արտաքին գործերի նախարարների եռակողմ հանդիպումը, չեն հաստատվել: Ադրբեջանի արտաքին քաղաքականության ոլորտի ղեկավար Վիլայաթ Գուլիեւը հերքել է ՍՏՀ ստամբուլյան գագաթնաժողովի շրջանակներում երեք հարեւան երկրների ԱԳՆ-րի ղեկավարների հերթական հանդիպման մասին տեղեկատվությունը: Նրա խոսքերով, նա ինքը չի մասնակցի գագաթաժողովի աշխատանքներին, քանի որ այդ ժամանակ կլինի Սուդանի մայրաքաղաքում, որտեղ կկայանա «Իսլամական կոնֆերանս» կազմակերպության արտաքին գործերի նախարարների Խորհրդի 29-րդ նիստը: Միեւնույն ժամանակ, Գուլիեւը չի բացառել, որ իր հայ եւ թուրք գործընկերները երկկողմ հանդիպում կարող են ունենալ:
Լրատվության արտատպելու, կամ օգտագործելու դեպքում հղումը "PanARMENIAN.Net"-ի վրա պարտադիր է: