Հայաստանում նոր ատոմային էներգաբլոկը կկառուցի Worley Parsons միջազգային կոնսորցիումը

13 մայիսի 2009 - 16:15 AMT

PanARMENIAN.Net - Worley Parsons միջազգային կոնսորցիումը շահել է Հայաստանում նոր ատոմային էներգաբլոկի շինարարության ծրագրի իրականացման առնչությամբ փետրվարի 23-ին հայտարարված հայտամրցույթը: Այդ մասին հաղորդում է Հայաստանի պետգնումների գործակալության մամլո ծառայությունը:

Ինչպես նախկինում հաղորդվել է, Worley Parsons-ը Հայաստանի կառավարությանը կօգնի կազմակերպել էներգաբլոկի շինարարության ողջ գործընթացը` սկսած նախագծի կազմումից, վերջացրած` տեխնիկայի մատակարարման պատվերներով:

Հայտամրցույթի երկրորդ մասնակցի` Scientech միջազգային կոնսորցիումի առաջարկությունը մերժվել էր երաշխիքների բացակայության եւ ողջ հայտամրցութային փաթեթի վերաբերյալ գնային առաջարկության ոչ լիարժեք ներկայացման պատճառով:

Worley Parsons Limited ընկերությունն աշխարհում խոշորագույն էներգաընկերություններից մեկն է: 2008 թվականին ընկերության շահույթը կազմել է 3.535 մլրդ ավստրալիական դոլար:

Հայաստանը ծրագրում է ԱԷԿ-ի նոր էներգաբլոկ կառուցել` մոտ 1000 ՄՎտ հզորությամբ, եւ Էներգետիկայի նախարարության տվյալներով, նախագիծը կարող է արժենալ մոտ 5 մլրդ դոլար: Նախագծի իրականացմանն օտարերկրյա կապիտալի ներգրավման նպատակով Հայաստանի խորհրդարանը 2006 թվականին օրենսդրորեն չեղյալ է հայտարարել նոր ատոմային բլոկերի սեփականության իրավունքի պետական մենաշնորհը: Շինարարական աշխատանքները նախատեսվում է սկսել 2011 թվականին:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով