Բերնար Ֆասիեն խորհրդակցություններ կանցկացնի Հայաստանի ղեկավարության հետ Կովկասի շուրջ ստեղծված իրավիճակի վերաբերյալ

PanARMENIAN.Net - «Մեկուկես ամսվա ընթացքում ես չորրորդ անգամ եմ տարածաշրջանում»,-PanARMENIAN.Net ի թղթակցի հետ զրույցում Երեւանում հայտարարել է ԵԱՀԿ ՄԽ ֆրանսիացի համանախագահ Բերնար Ֆասիեն: Նրա խոսքերով, այսօր տեղի կունենան նրա հանդիպումները ՀՀ ԱԳՆ նախագահ Սերժ Սարգսյանի եւ ԱԳՆ ղեկավար Էդվարդ Նալբանդյանի հետ: Այդ հանդիպումներից հետո Բ.Ֆասիեն կմեկնի Թբիլիսի, Բաքու եւ Անկարա: Ինչպես հաղորդել է Ֆասիեն, նրա այցի նպատակը տարածաշրջանի երկրների ղեկավարների հետ Կովկասի շուրջ ստեղծված իրավիճակի վերաբերյալ խորհրդակցելն է:



Բերնար Ֆասիեն հրաժարվել է մեկնաբանել Հայաստանի ու Ադրբեջանի նախագահների Պրահայում կայացած հանդիպման արդյունքները, սակայն, այնուամենայնիվ, հույս է հայտնել, որ ղարաբաղյան հակամարտության կողմերն ավելի մեծ հասկացություն կդրսեւորեն: «Ընդհանուր վիճակն այնքան էլ վատը չէ, սակայն կարող էր ավելի լավը լինել»,-հայտարարել է ԵԱՀԿ ՄԽ համանախագահը:



Նա հիշեցրել է, որ 15 տարի է անցել հրադադարի մասին Բիշքեկի արձանագրության կնքման օրվանից եւ ընդգծել է դեսպան Վ.Կազիմիրովի դերն այդ փաստաթղթի ստորագրման գործում: