Ֆրանսիայի երկաթուղին դիվերսիաների պատճառով կաթվածահար է եղել Օիմպիադայի մեկնարկից ժամեր առաջ

PanARMENIAN.Net - Ֆրանսիայում հայտարարել են արագընթաց երկաթուղիների ցանցում դիվերսիաների, այդ թվում՝ հրկիզումների մասին, որոնք կաթվածահար են արել տրանսպորտային համակարգի աշխատանքը Փարիզում Օլիմպիական խաղերի մեկնարկից մի քանի ժամ առաջ։

«Սա ծավալուն գրոհ է, որի նպատակն է կաթվածահար անել TGV»,–հայտարարել է ազգային երկաթուղային օպերատոր SNCF–ն։

Ուղևորներին առաջարկել են հետաձգել իրենց ուղևորություններն ու կայարաններից հեռու մնալ, գրում է Deustche Welle-ն։

Նշվում է, որ երթուղիներից շատերը հարկ է եղել չեղարկել, իսկ իրավիճակը կշարունակվի «առնվազն նաև հանգստյան օրերին, քանի դեռ վերանորոգման աշխատանքներ կտարվեն»։ Հայտարարության մեջ ասվում է, որ SNCF–ը մի շարք միաժամանակյա «չարամիտ գործողությունների զոհ է դարձել գիշերվա ընթացքում»,–ասվում է հայտարարության մեջ։

Դիվերսիաներից տուժել են ատլանտյան, հյուսիսային և արևելյան գծերը, հարավ–արևելյան գիծը չի տուժել, որտեղ «չարամիտ ակտը կանխվել է»։

Ահաբեկչական գործողությունները կատարվել են այն պահին, երբ Փարիզը պատրաստվում էր Օլիմպիական խաղերի բացմանը, որին մասնակցելու է 7500 մարզիկ, 300,000 հանդիսատես և բազում VIP հյուրեր։ Բացման արարողությունն առաջին անգամ կանցկացվի Սենա գետի վրա՝ նավերի շքերթի տեսքով։