  Հայաստանն Օլիմպիադայում հուլիսի 27-ին ունի 4 մասնակից 27 հուլիսի 2024 - 14:37 AMT PanARMENIAN.Net - Փարիզում մեկնարկած 33-րդ Օլիմպիական խաղերում հուլիսի 27–ին պայքարի մեջ կմտնի Հայաստանը ներկայացնող 4 մարզիկ։ Որակավորման փուլը կփորձի հաղթահարել Հայաստանի օլիմպիական հավաքականի ամենաերիտասարդ անդամը` 21-ամյա լողորդ Վարսենիկ Մանուչարյանը։ Նա հանդնես է գալու բաթերֆլայ ոճի 100 մետր մրցատարածությունում, որի եզրափակիչը ևս նախատեսված է այսօր, հայտնում է Shantnews.am-ը։ Մեկնարկելու է նաև հրաձգության 10 մ օդամղիչ ատրճանակի որակավորման փուլը։ Այդ մրցաձևում Հայաստանը ներկայացնելու է Էլմիրա Կարապետյանը։ Տոկիոյի Օլիմպիական խաղերի բրոնզե մեդալակիր, աշխարհի չեմպիոն, Եվրոպայի առաջնությունների կրկնակի ոսկե մեդալակիր, Եվրոպական խաղերի հաղթող, մարմնամարզիկ Արթուր Դավթյանը մասնակցելու է հենացատկ վարժության որակավորման փուլին։ Պայքարի մեջ է մտնելու նաև Հայաստանի թիմի ամենատարեց անդամը` Եվրոպայի կրկնակի փոխչեմպիոն, Եվրոպական խաղերի արծաթե մեդալակիր, մարմնամարզիկ Վահագն Դավթյանը։ 35-ամյա մարզիկը մասնակցելու է օղակներ վարժության որակավորման փուլին։ Եզրափակիչ դուրս գալու դեպքում Էլմիրա Կարապետյանը վճռորոշ մրցումը կանցկացնի հուլիսի 28-ին։ Իսկ Արթուր Դավթյանը և Վահագն Դավթյանը որակավորման փուլի արգելքը հաղթահարելու դեպքում մեդալային պայքար կմղեն օգոստոսի 4-ին։ Հայաստանի հավաքականն Օլիմպիական խաղերում ունի 15 մասնակից՝ 7 մարզաձևում:   Ուշագրավ Ավելի վաղ Եվրոպայի առաջնության փոխչեմպիոն էր դարձել Բարեղամ Հարությունյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա   |  Վերջին լուրեր Արցախի նախկին ու ներկա ՄԻՊ–երը հայցով դիմել են Միջազգային քրեական դատարան  Նրանց ներկայացնում են միջազգային առաջատար փաստաբաններ Ֆրանսուա Զիմերեյը և Կատալինա դե լա ՍոտանՆախարար․ Արևմտյան Նեղոսի տենդի դեպքերի զգալի նվազում կա Նա նաև հայտնել է, որ կարմրուկի տեղական բոլոր բռնկումները մարել ենՊապոյան. Ընդդիմությունը ողջունել է Արցախի հայաթափումը, որ այստեղ մի քանի հազար ավել ցուցարար ունենային Ըստ նրա, նախկին նախագահների բանակցություններն ընդամենն այն մասին է եղել, թե երբ և ինչպես է հանձնվելու Լեռնային Ղարաբաղը |
