Հայ ժողովուրդը լավ գիտի խաղաղության արժեքը16 մայիսի 2009 - 00:37 AMT PanARMENIAN.Net - Ընդամենը մի քանի տասնամյակ առաջ անիրական երազանք թվացող միասնական Եվրոպայի ստեղծումն այսօր դարձել է անշրջելի իրականություն: Դրանում մեծ է եվրոպական ժողովուրդների ավանդը, նրա քաղաքական առաջնորդների դերը:Այսօր Հայաստանը եւս իր մասնակցությունն է բերում միասնական, անվտանգ եւ զարգացող Եվրոպայի կերտման գործընթացին, փորձում կառուցել իր ապագան խաղաղ եւ ներդաշնակ միջավայրում, ասել է արտգործնախարար Էդվարդ Նալբանդյանը մայիսի 15-ին «Եվրոպայի օրվան»նվիրված ընդունելության ժամանակ: «Այսօր Հայաստանը անդամակցում է մայրցամաքի առանցքային կառույցներին` Եվրոպայի խորհրդին ու Եվրոպայում անվտանգության եւ համագործակցության կազմակերպությանը, իր ներդրումը բերելով դրանց աշխատանքներին եւ համաեվրոպական օրակարգի ձեւավորմանը` անվտանգության եւ ժողովրդավարության ամրապնդման հարցերում: Զգալի առաջընթաց են ապրել մեր կապերը Եվրոպական միության հետ: Ընթացիկ տարի լրանում է Գործընկերության եւ համագործակցության մասին համաձայնագրի ուժի մեջ մտնելու տասնամյակը: Այս տարեդարձին մենք մոտենում ենք նոր ձեւաչափերում մասնակցությամբ, ընդլայնված երկկողմ օրակարգով: Հայաստանի եւ Եվրոպական միության միջեւ հարաբերությունների խորացման նոր հնարավորություններ են բացվում վերջերս Պրահայում կայացած Արեւելյան գործընկերության պաշտոնական մեկնարկից հետո: Հայաստանն առաջիններից մեկը ողջունեց ԵՄ տարածաշրջանային այս նախաձեռնությունը եւ որպես գործընկեր երկիր իր ամենագործուն մասնակցությունն է ունենում Արեւելյան գործընկերության կայացման աշխատանքներում: Եվրոպական միության եւ Հայաստանի ղեկավարության միջեւ ամենաբարձր քաղաքական մակարդակի շփումներին զուգահեռ` ամրապնդվում են նաեւ մեր տնտեսական համագործակցությունն ու առեւտրային կապերը: Այսօր Հայաստանի արտահանման զգալի մասը բաժին է ընկնում եվրոպական մրցունակ շուկային, իսկ ապրանքաշրջանառության ծավալները կայուն զարգացման միտում ունեն: Այս ամենը վկայում է, որ ընդհանուր արժեքների վրա հիմնված համագործակցությունը կարող է հաջողված լինել: Հայ ժողովուրդը շատ լավ գիտի խաղաղության արժեքը: Բնականաբար, այդ խաղաղությունը պահպանելու հանձնառությունը եւս շատ ամուր է ու հստակ: Այդ գիտակցությամբ է, որ Հայաստանի Հանրապետության Նախագահի գլխավորությամբ մեր արտաքին քաղաքականություն ջանում է կարգավորել առկա հիմնախնդիրները: Դա հնարավոր է անել տարածաշրջանում փոխադարձ վստահության եւ հարգանքի միջոցով, այն նույն եղանակով, ինչը հնարավոր դարձրեց Եվրոպայում բաժանարար գծերի վերացումը եւ մայրցամաքի հետագա ներդաշնակ զարգացումը:արհի հետ հարաբերություններում, չեն կարող աննկատ անցնել: Այդ առաջընթացի ընթացքում մեզ համար մեծապես կարեւոր է եղել Եվրոպայի աջակցությունը»,-ասել է նախարարը: Վերջում ԱԳ նախարարը հավելել է, որ աշխարհում շատ չեն այն տոները, որոնք նշվում են տարբեր ազգերի եւ պետությունների կողմից միասնաբար: Եվրոպայի օրն, այս առումով, այն եզակի տոներից է, որը միասնաբար նշում են մի քանի տասնյակ ժողովուրդներ եւ որը խորհրդանշում է նրանց խաղաղ, անվտանգ, ազատ եւ բարեկեցիկ ապրելու, համատեղ արժեքների վրա կառուցված ապագա կերտելու երազանքը, կամքը եւ վճռականությունը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին Մի դրամի ուժը՝ «Կյանքի ճանապարհ» բարեգործական հասարակական կազմակերպությանը Կազմակերպությունը զբաղվում է էպիլեպսիա ունեցող երեխաների ախտորոշմամբ, դեղորայքի ապահովման հարցերով ու բուժմամբ |