«Նաիրիտի» վթարի պատճառով առաջացած վտանգը լիովին չեզոքացված է16 մայիսի 2009 - 15:28 AMT PanARMENIAN.Net - «Նաիրիտում» պատահածի նման տեխնածին վթարներ լինում են նույնիսկ զարգացած երկրներում: Նման դեպքերում շատ կարեւոր դեր է կատարում կառավարման մարմինների պրոֆեսիոնալ ու օպերատիվ աշխատանքը: Այդ մասին Երեւանում տեղի ունեցած մամլո ասուլիսում հայտարարել է ՀՀ ԱԻՆ փրկարար ծառայության պետի խորհրդական գնդապետ Նիկոլայ Գրիգորյանը: «Կառավարման մարմինները բարձր աստիճանի կազմակերպվածություն ցույց տվեցին: Ձեռնարկվեցին բոլոր օպերատիվ գործողությունները, ինչը թույլ տվեց կանխել վատթարագույնը»,-ասել է Գրիգորյանը: Նա հայտարարել է, որ ներկայումս վտանգը չեզոքացված է: Ըստ գնդապետի, «Նաիրիտի» համար արտակարգ իրավիճակների նախարարությունը հատուկ պլան էր մշակել եւ բոլորը գործում էին այդ պլանի համաձայն: «Մեր խնդիրն էր բացատրել բնակչությանը պատահածը, որպեսզի խուճապ չառաջանար: Վթարը կարող է խուճապ առաջացնել եւ խախտել քաղաքի բնականոն ռիթմը»,-ասել է Գրիգորյանը: Ն.Գրիգորյանը նշել է նաեւ, որ գործարանն արդեն բավական մաշված է եւ նման դեպքերում անհրաժեշտ է ձեռնարկել բոլոր միջոցները անվտանգությունն ապահովելու համար: «Պատահածը լուրջ քայլ կդառնա, որպեսզի մենք բոլորս զգոն լինենք: Ոչ ոք ապահովագրվված չէ եւ մենք պետք է աշխատենք ամեն րոպե»,-ասել է Գրիգորյանը: Մայիսի 14-ին մոտ 18:40-ին «Նաիրիտ գործարանում», որը մասնագիտանում է սինթետիկ կաուչուկի արտադրության վրա, երկու պայթյուն տեղի ունեցավ, որից հետո հրդեհ սկսվեց: 15 րապե անց պատահարի վայրում էին 9 հրշեջ անձնակազմեր: Վթարի արդյունքում այրվել է աբսորբցիոն աշտարակը: Փրկարար ծառայության ջանքերով հրդեհը մարվել է: Վթարի արդյունքում զոհվել է 4 մարդ եւ տուժել են 8-ը: Կատարվածի փաստով հարուցվել է երկու քրեական գործ: Պայթյունի պատճառները պարզվում են: Ուշագրավ Նշվում է, որ հատկապես վերջին օրերին տարածված կեղծիքին պետք է պատասխանել Ըստ ադրբեջանական ԶԼՄ–ների, «համարժեք պատասխան միջոցներ են ձեռնարկվել» Վարույթ իրականացնող մարմինն այլևս չի կարծում, որ պետությանը պատճառվել է վնաս Փաշինյանը շնորհակալություն է հայտնել Ամենաընթերցվողը բաժնում | Amnesty International-ը կոչ է արել ՀՀ իշխանություններին անհապաղ հետաքննել հունիսի 12-ի բռնությունները «Երևանում վերջին փողոցային ակցիայի ժամանակ բռնությունների մակարդակը խորը տագնապ է առաջացնում»,–ասել է կառույցի ներկայացուցիչը Բագրատ սրբազան․ Ապրում ենք իրավական ամենաթողության մեջ Նա նշել է, որ իրավապահ ամբողջ համակարգը դարձել է «իշխանության աթոռները պահող, ծառա» Հայկակ Արշամյան․ 2023–ին «Հայաստան» հիմնադրամին փոխանցումը կազմել է 7 մլրդ դրամ, 60 ծրագիր է արվել 2 նոր բազմաբնակարան շենք է կառուցվել Գյումրիում, 14 առանձնատուն՝ Լեռնագոգում, 6–ը՝ Ներքին Խնձորեսկում Երևանում կտեղադրվի 930 բեռնարկղ 4 տեսակի թափոնների համար Նոր թափոնամանները բավարար կլինեն ապակին, պլաստիկը, թուղթն ու այլումինը տեսակավորելու համար |