Հայաստանի Առողջապահության նախարարությունը «Նաիրիտ» գործարանում աղետի առաջին իսկ րոպեներից գնահատում էր հնարավոր ռիսկերը: Պայթյունից հետո ՀՀ Առողջապահության նախարարության մասնագետները դեպքի վայրից վերցված օդի օպերատիվ հետազոտություն կատարեցին դրանում քիմիական նյութերի առկայության հաշվով: Սանիտարական նորմերի գերազանցում չէր եղել: Գործարանին հարող բնակիչների առողջությանը ոչինչ չի սպառնում: Այդ մասին Երեւանում կայացած մամլո ասուլիսին հայտնել է Հայաստանի Առողջապահության նախարարության պետական հակահամաճարակային եւ հիգիենիկ տեսչության պետ Սոս Հովհաննեսյանը:

Ինչպես նշել է Ս.Հովհաննեսյանը, այդ շրջանի բնակիչները գործարանում պայթյուններից հետո բժշկական օգնության համար չեն դիմել: «Եթե անմիջապես աղետից հետո բնակիչները սուր ազդեցություն չեն զգացել, ապա ապագայում հետեւանքների առաջացման մասին խոսելն ուղղակի անտեղի է»,- հայտնել է Սոսը:

ՀՀ Բնապահպանության նախարարության Պետական բնապահպանական տեսչության պետ Արա Գաբրիելյանն իր հերթին ընդգծել է, որ այրման թունավոր մթերքներով մթնոլորտի աղտոտում նորմայից բարձր չի գրանցվել:

Մայիսի 14-ին, տեղի ժամանակով մոտ 18:40-ին ,Նաիրիտի գործարանե ՓԲԸ-ում, որը մասնագիտացած է սինթետիկ կաուչուկի արտադրության վրա, երկու պայթյուն է տեղի ունեցել, որից հետո հրդեհ է բռնկվել: 15 րոպե անց պատահարի վայր է ժամանել 9 հրշեջ եւ «Շտապ օգնության» անձնակազմ:

Հրեդհի արդյունքում այրվել է աբսորբցիոն մեկ աշտարակ: Ինչպես ասվում է հաղորդագրության մեջ, փրկարար ծառայության շնորհիվ ժամը 23:00-ին հրդեհը լիովին մարվել է: Արդյունքում զոհվել է 4 եւ վիրավորվել է 8 մարդ:

Պայթյունի փաստով երկու քրեական գործ է հարուցվել, պայթյունի պատճառները պարզվում են: