Նիդերլանդների խորհրդարանը կոչ է արել Բաքվին ազատել հայ գերիներին 12 հոկտեմբերի 2024 - 15:47 AMT PanARMENIAN.Net - Նիդերլանդների խորհրդարանի Ներկայացուցիչների պալատը հոկտեմբերի 10–ին 2 բանաձև է ընդունել Ադրբեջանի վերաբերյալ և կոչ արել ազատ արձակել հայ ռազմագերիներին։ Փաստաթղթերի քննարկման ժամանակ ելույթով հանդես եկած ԱԳ նախարար Կասպեր Վելդքամփը հավանություն է տվել բանաձևերին և կոչ արել ազատ արձակել Լեռնային Ղարաբաղի ներկայացուցիչներին և մյուս գերիներին՝ անվանելով նրանց ռազմագերիներ, հայտնում է Turan–ը: Դա անմիջապես բացասական արձագանք է ստացել Բաքվում։ Ադրբեջանի ԱԳՆ պաշտոնական ներկայացուցիչ Այհան Հաջիզադեն «անընդունելի» է անվանել Վելդքամփի հայտարարությունը և կոչ է արել «լարվածություն չստեղծել» երկկողմ հարաբերություններում։ «Կոչ ենք անում նիդերլանդական կողմին հրաժարվել իր միակողմանի դիրքորոշումից, որը հակասում է տարածաշրջանում խաղաղությանը և լարվածություն է ստեղծում ադրբեջանա-նիդերլանդական հարաբերություններում»,- ընդգծել է Հաջիզադեն։ Նիդերլանդական բանաձևերում նաև անդրադարձ կա հայկական ժառանգության ոչնչացմանն Ադրբեջանի կողմից։ Պաշտոնական տվյալներով` Ադրբեջանում 23 հայ գերի է պահվում, որոնցից 17-ը գերեվարվել են 2023 թվականի ագրեսիայի հետևանքով։ Բաքվի դատարանը 5 ամսով երկարացրել է Արցախի նախկին պետնախարար, բարերար Ռուբեն Վարդանյանի, Արցախ ռազմաքաղաքական ղեկավարության ներկայացուցիչներ Արայիկ Հարությունյանի, Բակո Սահակյանի, Արկադի Ղուկասյանի, Դավիթ Բաբայանի, Դավիթ Իշխանյանի, Դավիթ Մանուկյանի ե Լեոն Մնացականյանի ապօրինի կալանքի ժամկետը։ Նրանք բոլորը ձերբակալվել են 2023-ի սեպտեմբերի վերջին՝ Արցախից ՀՀ անցնելու ժամանակ, երբ ԱՀ-ն հայաթափվեց Ադրբեջանի ագրեսիայի հետևանքով։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
