iCON-ը հայտարարել է iCON Entry նոր սակագնային պլանի մեկնարկի մասին

18 մայիսի 2009 - 15:16 AMT

PanARMENIAN.Net - iCON Communications ընկերությունն այսօր հայտարարեց iCON Entry նոր

սակագնային պլանի շուկա ներմուծման մասին: Ըստ ընկերության գործադիր տնօրեն Ադամ Կաբլանյանի, փաթեթը ապահովում է մինչեւ 128 կբ/վ download արագություն եւ 64 կբ/վ upload արագություն ընկերության WiMAX ցանցում: Ինչպես եւ բոլոր այլ

փաթեթները, այս սակագնային պլանը չի ենթադրում տրաֆիկի սահմանափակումներ կամ շահագործման

վճարներ: Նոր փաթեթը` 8000 դրամ արժողությամբ /ներառյալ ԱԱՀ/ նպատակ է հետապնդում մատուցել

արագ, հուսալի եւ շատ ավելի մատչելի Ինտերնետ ծառայություն Ինտերնետ օգտագործողների ստվար

զանգվածին, քանի որ Ինտերնետ օգտագործողներից շատերը մեր օրերում միանում են Ինտերնետին

ավելի դանդաղ dial-up կապի միջոցով:

iCON Communications ընկերությունը ներկայացնում է նաեւ մի քանի` ավելի բարձր արագությամբ

ծառայությունների առաջարկներ կորպորատիվ սեկտորի համար: Այդ փաթեթները կներառեն 2, 3 եւ 4 Mb/s

չերաշխավորված արագությամբ սակագնային պլաններ, ինչպես նաեւ ծառայություններ 512 kbps-ից մինչ-

4 Mbps երաշխավորված արագություններով:

iCON Communications ընկերությունն այսօր նաեւ հայտարարել է, որ ընկերության նոր հաճախորդները

այսուհետ կարող են օգտագործել USB Stick մոդեմները, որոնք նախկինում միայն վաճառքի համար էին`

պարզապես վճարելով 15000 դրամ երաշխիքային գումար, որը ենթակա է վերադարձման պայմանագրի

խզման պահին: Արդյունքում` հաճախորդները հնարավորություն են ստանում վայելել արագ, հուսալի եւ

մատչելի Ինտերնետ ծառայություն իրենց շարժական եւ ստացիոնար համակարգիչներով iCON-ի ցանցի

ծածկույթի ցանկացած կետում առանց մեծ կանխավճարների:

«Մենք շատ ուրախ ենք, որ ընկերության արդեն գործող առաջարկությունների փաթեթների խումբը

լրացվեց եւս մեկով: iCON ընկերության առաքելությունն է հնարավորինս մեծ թվով հայերին ապահովել

արագ, հուսալի եւ մատչելի Ինտերնետ ծառայությամբ, եւ սա մեր առաքելության իրագործման

ճանապարհին եւս մեկ կարեւոր քայլ է»,- նշեց iCON Communications ընկերության Գործադիր տնօրեն Ադամ

Կաբլանյանը: