Ստեփանակերտում բացվել է հնագիտական ցուցահանդես
Ստեփանակերտի Մշակույթի եւ երիտասարդության պալատում տեղի է ունենում «Արցախում մշակութային հետազոտությունները» հնագիտական ցուցահանդեսը, որում ներկայացված են Շուշիի, հնագույն Տիգրանակերտ քաղաքի եւ Հանդաբերդի մենաստանի (Շահումյանի շրջան, պատմական Վերին Խաչեն) պեղումների ժամանակ հայտնաբերված ցուցանմուշներ:
Ցուցահանդեսը կազմակերպել են Հայաստանի ԳԱԱ Հնագիտության եւ ազգագրության ինստիտուտը եւ Արցախի հնագիտական գիտարշավը Հայաստանի Մշակույթի նախարարության եւ ԼՂՀ կառավարությանն առընթեր Զբոսաշրջության վարչության կողմից, եւ նվիրված է Շուշիի ազատագրման 17-ամյակին եւ Թանգարանների միջազգային օրվան:
Ցուցանմուշների մի մասը, որոնք պատկանում են հայկական էթնոսի գոյության պատմամշակութային տարբեր շրջաններին, հանրությանն առաջին անգամ է ներկայացվում:
Արցախի հնագիտական գիտարշավի ղեկավար Համլետ Պետրոսյանի խոսքերով, Լեռնային Ղարաբաղում սկիզբ է առնում «նոր եւ լայնածավալ քաղաքականություն, որն ապագայում հնարավորություն կտա զգալ հարազատ մշակույթի կենարար ուժը»:
Շուշիի, Տիգրանակերտի եւ Հանդաբերդի պեղումների ժամանակ հայտնաբերված բոլոր ցուցանմուշները հանձնվել են ԼՂՀ Պատմագավառագիտական թանգարան, հաղորդում է ԼՂՀ ԱԳՆ մամլո ծառայությունը:
Ցուցահանդեսը կազմակերպել են Հայաստանի ԳԱԱ Հնագիտության եւ ազգագրության ինստիտուտը եւ Արցախի հնագիտական գիտարշավը Հայաստանի Մշակույթի նախարարության եւ ԼՂՀ կառավարությանն առընթեր Զբոսաշրջության վարչության կողմից, եւ նվիրված է Շուշիի ազատագրման 17-ամյակին եւ Թանգարանների միջազգային օրվան:
Ցուցանմուշների մի մասը, որոնք պատկանում են հայկական էթնոսի գոյության պատմամշակութային տարբեր շրջաններին, հանրությանն առաջին անգամ է ներկայացվում:
Արցախի հնագիտական գիտարշավի ղեկավար Համլետ Պետրոսյանի խոսքերով, Լեռնային Ղարաբաղում սկիզբ է առնում «նոր եւ լայնածավալ քաղաքականություն, որն ապագայում հնարավորություն կտա զգալ հարազատ մշակույթի կենարար ուժը»:
Շուշիի, Տիգրանակերտի եւ Հանդաբերդի պեղումների ժամանակ հայտնաբերված բոլոր ցուցանմուշները հանձնվել են ԼՂՀ Պատմագավառագիտական թանգարան, հաղորդում է ԼՂՀ ԱԳՆ մամլո ծառայությունը:
