Իր գլխավոր թշնամիների թվում Ադրբեջանը նշել է Հայաստանին, Ռուսաստանին եւ Իրանին23 մայիսի 2009 - 14:05 AMT PanARMENIAN.Net - Ադրբեջանական «Զերկալո» թերթը հարցում է կատարել հասարակայնության ներկայացուցիչների շրջանում` պարզելու համար, թե որ երկրներն են բարեկամ հանդիսանում Ադրբեջանի համար, եւ որոնք` թշնամի: Ինչպես գրում է թերթը, երկրի հասարակայնության ներկայացուցիչների կարծիքներն այդ առնչությամբ շատ տարբեր են: Միանշանակ Ադրբեջանի բարեկամների թվում առաջին տեղում է Թուրքիան, իսկ թշնամիների թվում է Հայաստանը: Գրեթե բոլոր պատասխաններում թշնամիների շարքում երկրորդ տեղը կիսում են Իրանն ու Ռուսաստանը:Ռազմական փորձագետ Իլդիրիմ Մամեդովը բարեկամների թվին դասել է Թուրքիային, Պակիստանին եւ Հյուսիսային Կիպրոսին: Ադրբեջանի թշնամիների թվին նա դասել է Ռուսաստանին եւ հետո միայն Հայաստանին: Մամեդովն իր երկրի թշնամիների շարքում երրորդ տեղը տվել է Իրանին: Նրա հետ համաձայն է իրավապաշտպան Էլդար Զեյնալովը, ով թշնամիների շարքում դասում է Հայաստանին, իսկ Իրանին եւ Ռուսաստանին անվանում է կասկածելի բարեկամներ: Ինչպես հարցման ենթարկվածներից շատերը, «Ենի նեսիլ» լրագրողական կազմակերպության նախագահ Արիֆ Ալիեւն Ադրբեջանի թշնամիների շարքում թվել է Հայաստանը, Իրանն ու Ռուսաստանը, հենց այդ հերթականությամբ: Իրանին չի վստահում եւ ոչ բարեկամական երկիր է համարում նաեւ իրավապաշտպան Լեյլա Յունուսը: Նա ասել է հետեւյալը. «Մեր առաջին եւ երկրորդ թշնամին Հայաստանն է, այնուհետեւ Իրանը»: Ինչ վերաբերում է Ռուսաստանին, ապա իրավապաշտպանը դժվարացել է որոշել թշնամի է այն, թե բարեկամ, - նրա խոսքերը մեջ է բերում «Զերկալոն»: Հայտնի փաստաբան Իսահան Աշուրովը, ինչպես եւ հարցման բոլոր մյուս մասնակիցները, երկրի առաջին բարեկամ համարում են Թուրքիային: Նա, մյուսների պես, կարծում է, որ Հայաստանի առաջին թշնամին Հայաստանն է, իսկ Ադրբեջանին չեն համակրում Իրանն ու Ռուսաստանը: Հարցման գրեթե բոլոր մասնակիցները համակարծիք են, որ եթե չլինեին Վրաստանի ազգայնամոլները, ապա այդ երկիրը կհավակներ բարեկամների շրջանում երկրորդ կամ երրորդ տեղին: Այդ մասին իր այսօրվա հոդվածում գրում է «Զերկալո» թերթը: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Շվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նա Փաշինյան․ Ժամանակն է Բաքվի հետ ձեռք բերված համաձայնությունները ներառել խաղաղության պայմանագրում և ստորագրել Նա անդրադարձել է նաև հայկական «Խաղաղության խաչմերուկ» նախագծին Փաշինյան. Սպասում ենք ԵՄ որոշմանը՝ ՀՀ-ին ԵՄ խաղաղության հիմնադրամում ներառելու վերաբերյալ Ըստ որոշ աղբյուրների, այդ գործընթացն արգելակում է Հունգարիան, որը պահանջում է, որ Բաքվին էլ գումար հատկացվի «ՀայաՔվեն» հանցագործության մասին հաղորդում է ներկայացրել դատախազություն. Սահմանազատմանն է առնչվում Դիմումը ներկայացվել է ընդդեմ սահմանազատման հանձնաժողովի, փոխվարչապետի և վարչապետի |