Սեւծովյան օղակավոր ավտոմայրուղին պետք է անցնի ՍՏՀԿ բոլոր մասնակից-երկրների տարածքով28 մայիսի 2009 - 15:40 AMT PanARMENIAN.Net - Սեւծովյան օղակավոր ավտոմայրուղին պետք է անցնի ՍՏՀԿ բոլոր մասնակից-երկրների տարածքով, PanARMENIAN.Net ի հետ զրույցում հայտնել է ՀՅ «Դաշնակցության» տնտեսական հարցերով խորհրդական, խոհրդարանի պատգամավոր Արա Նռանյանը: Նա հիշեցրել է, որ այս տարվա մարտին Հայաստանում տեղի է ունեցել ՍՏՀԿ անդամ-երկրների տրանսպորտի նախարարների հանդիպում, որի արդյունքներով ընդունվել է հռչակագիր` նվիրված Սեւ ծովի շուրջ օղակավոր ավտոմայրուղու կառուցման հարցերին, որը կմիացնի տարածաշրջանի երկրների հիմնական ավտոմայրուղիները: «Մենք պնդել ենք, որպեսզի այդ օղակավոր ավտոմայրուղին անցնի տարածաշրջանի բոլոր երկրներով»,- ասել է նա:Խորհրդարանի պատգամավորի խոսքերով, որը նաեւ ՍՏՀԿ խորհրդարանական վեհաժողովի հայկական պատվիրակության անդամ է, ՍՏՀԿ-ն արդեն զբաղվում է նախագծի իրագործմամբ, որը տարածաշրջանի երկրների իշխանության գործադիր մարմինն է: ՍՏՀԿ ձեռքբերումների շարքում Նռանյանը նշեց նաեւ, որ ՍՏՀԿ անդամ-երկրների տրանսպորտի նախարարների հանդիպման ժամանակ ընդունվել է հռչակագիր, որը նախատեսում է անցագրային ռեժիմի հեշտացում պրոֆեսիոնալ վարորդների համար:«Թեեւ այդ հարցը լուծվել է կազմակերպության մակարդակով, բայց կան որոշակի խնդիրներ` կապված առանձին երկրների մակարդակով իրագործման հետ»,- ասել է Նռանյանը: Այսպիսով, Նռանյանի խոսքերով, եթե առաջ ՍՏՀԿ համար հիմնականում առաջնային էին էներգետիկայի հարցերը, ապա այժմ, եթե հետեւել կազմակերպության շահերի փոփոխությունների դինամիկային, ավելի շատ է դրվում տրանսպորտային խնդիրների լուծման հարցը, չնայած նրան, որ Հայաստանը փակ սահմանի հարց ունի Թուրքիայի հետ: Նռանյանի խոսքերով, երկրները, որոնք սահմաններ են փակում, խոչընդոտում են ողջ Սեւծովյան տարածաշրջանի զարգացմանը: Դրա հետ կապված նա ավելացրեց, որ կես տարի առաջ, երբ կայացել է ՍՏՀԿ 15-ամյակի հետ կապված հավաք եւ ներկայացվել է կազմակերպության առաջ ծառացած խնդիրների եւ ձեռքբերումների մասին զեկույց, Հայաստանի կողմից զեեկույցի մեջ կետ է ավելացվել` սահմանների բացման անհրաժեշտության հարցը: «Թուրքական կողմը ստիպված է ընդունել, որ սահմանների փակումը խանգարում է ոչ միայն ՍՏՀԿ առանձին երկրների, այլ նաեւ ամբողջ տարածաշրջանի զարգացմանը»,- ասել է նա: Երեւանում մայիսի 12-ին տեղիէ ունեցել ՍՏՀԿ Բեռնափոխադրող երկրների ասոցացիաների միության (BSEC-URTA) ժողով, որի արդյունքներով ենթադրվում էր իրականացնել այդ որոշումները: ժողովի աշխատանքներին մասնակցում էին Հայաստանի, Ռուսաստանի, Բուլղարիայի, Ուկրաինայի, Թուրքիայի, Մոլդովայի, Ալբանիայի, Ռումինիայի եւ Վրաստանի ներկայացուցիչները: Հայաստանը ՍՏՀԿ նախագահ-երկրի պարտականություններն ընդունել է 2008-ի նոյեմբերին, եւ կատարել դրանք մինչեւ 2009-ի ապրիլի 30-ը: ՍՏՀԿ-ն ստեղծվել է 1992-ին, եւ Հայաստանը նրա հիմնադիրներից մեկն է եղել: Ներկա պահին ՍՏՀԿ մշտական անդամներ են համարվում 12 երկրներ. Ալբանիա, Հայաստան, Ադրբեջան, Բուլղարիա, Հունաստան, Վրաստան, Մոլդովա, Ռումինիա, Ռուսաստան, Սերբիա, Թուրքիա եւ Ուկրաինա: ՍՏՀԿ դիտորդ-երկրներն են Ավստրիան, Բելոռուսը, Խորվաթիան, Չեխիան, Եգիպտոսը, Ֆրանսիան, Գերմանիան, Իտալիան, Սլովակիան եւ ԱՄՆ-ը: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |