Կարեն Բեկարյան. Այնպիսի տպավորություն է, որ Բաքուն այժմ նեղացած է ողջ աշխարհից

PanARMENIAN.Net - «Կան սպասումներ, որոնք ունեն իրենց արդարացումները»,- մամլո ասուլիսի ժամանակ հայտարարել է նա, նշելով, «քանի որ մենք ապրում ենք այդ գործընթացում, այն քայլերը կամ արդյունքնրեը, որոնք տեսնում ենք, շատ փոքր են երեւում մեր աչքում եւ մենք բնականաբար ակնկալում ենք ավելին, քան կա իրականում: Իսկ իրականում մենք ունենք հետեւյալը. Պրահայում Սարգսյան-Ալիեւ հանդիպումից հետո ինձ համար համար առաջին հարցը ՀՀ նախագահի հայտարարությունն էր, որ Լեռնային Ղարաբաղի հիմնահարցը չի քննարկվելու հայ-թուրքական հարաբերություններում: Եվ երկրորդ` ղարաբաղյան հարցը հայ-թուրքական հարաբերությունների կարգավորման անկյունաքարն է»:



«Ցանկացած բանակցություն առաջընթաց ունի, երբ կողմերի դիրքորոշումները հստակ արտահայտված են ոչ միայն փակ դռների հետեւում, այլ նաեւ հասարակության համար: Ես չգիտեմ, թե արդյոք այդպիսի առաջընթաց կլինի Սանկտ-Պետերբուրգում, նույնիսկ եթե նվազագույն առաջընթաց լինի, դա ավելի իրական կլինի, քան նմանակումը»,- հայտարարել է Բեկարյանը: Դրա հետ մեկտեղ նա ընդգծել է, որ Ադրբեջանն այժմ գտնվում է բարդ իրադրության մեջ: «Այնպիսի տպավորություն է ստեղծվել, որ Բաքուն այժմ նեղացած է ողջ աշխարհից, այդ թվում Թուրքիայից հայ-թուրքական գործընթացի համար: Ինքներդ հասկանում եք, որ Բաքուն չի հավատում Էրդողանի հայտարարություններին, դրանում էլ թուրքական ներկայացուցիչների հաճախակի այցելությունների պատճառն է Ադրբեջան Բաքվին աջակցելու հայտարարություններով, բայց նույնիսկ դա չի օգնել մարել այն հիստերիան, որն այժմ նկատվում է երկրում»,- կարծում է հայ քաղաքագետը: