Հատուկ քննչական խումբը համագործակցության կոչ է անում 2 հունիսի 2009 - 23:12 AMT PanARMENIAN.Net - ՀՀ գլխավոր դատախազի ցուցումով 2009 թվականի մայիսի 31-ին կայացած Երեւանի ավագանու ընտրությունների ընթացքում ընտրախախտումների վերաբերյալ ահազանգերի ու ԶԼՄ-ների հրապարակումներում նշված փաստերի ստուգման համար Հատուկ քննչական ծառայությունում քննվող քրեական գործի շրջանակներում նախաքննական մարմինը դեպքերի ստուգման եւ ըստ այդմ օպերատիվ միջոցառումներ ձեռնարկելու նպատակով նմանատիպ հայտարարությունների հեղինակներին հրավիրել է հարցաքննության, սակայն վերջիններս տարբեր պատճառաբանություններով հրաժարվել են ներկայանալ: Այդ մասին հաղորդում է Հատուկ քննչական ծառայության մամլո հաղորդագրության մեջ: Մասնավորապես, Մալաթիա-Սեբաստիա համայնքի թիվ 8/05 ընտրատեղամասում ընտրությունների օրը ԶԼՄ-ներով հրապարակումներ են եղել, որ հիշյալ տեղամասում ծեծի են ենթարկվել «168 ԺԱՄ» թերթի լրագրող Արմինե Ավետյանը եւ դիտորդական առաքելություն իրականացնող «Թրանսփերեսի Ինտերնեշնլ» հասարակական կազմակերպության ներկայացուցիչ Սոնա Այվազյանը: Ա. Ավետյանը եւ Ս. Այվազյանը, որպես վկա հրավիրվել են Հատուկ քննչական ծառայություն հարցաքննության, նրանց բացատրվել է իրենց իրավունքները, սակայն տարբեր պատճառաբանություններով նրանք խուսափել են ներկայանալ նախաքննական մարմին եւ տալ ցուցմունքներ, որոնք կարող են նպաստել հրապարակումներում նշված օրինախախտումների ստուգման նպատակով անհրաժեշտ օպերատիվ միջոցառումներ կատարելուն: Հիշեցնում ենք, որ ՀՀ քրեական դատավարության օրենսգրքի 86-րդ հոդվածի 3-րդ մասի համաձայն` վկան պարտավոր է ցուցմունքներ տալու, քննչական եւ այլ դատավարական գործողությունների կատարմանը մասնակցելու համար ներկայանալ քրեական վարույթն իրականացնող մարմնի կանչով: Հատուկ քննչական ծառայությունը ակնկալում է ընտրախախտումների ականատես, հայտարարությունների հեղինակ քաղաքացիներից, հասարակական դիտորդներից եւ ԶԼՄ-ների ներկայացուցիչներից քաղաքացիական ակտիվություն եւ աջակցություն ընտրությունների ընթացքում թույլ տրված օրինախախտումների բացահայտման գործում: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | Ադրբեջանում հայտարարել են, որ Ղազախի շրջանում ականի պայթյունից սահմանապահ է վիրավորվել Նշվում է, որ տարածքը, որտեղ տեղի է ունեցել դեպքը, հարում է այն հատվածին, որը «Հայաստանի հետ շփման գիծ էր» ԱՆ․ Տավուշում գործընթացի վերաբերյալ կեղծ թեզեր են հնչում Դրանցից ամենատարածվածներին նախարարությունն անդրադարձել է իրավական տեսանկյունից Բալայան․ ՀՀ-ԵՄ հարաբերությունները հիմնված են հայկական ազգային շահերի վրա Նա հավելել է, որ դա սպառնալիք չէ Մոսկվայի համար Կիրանցի ղեկավարը՝ Փաշինյանի հետ Երևանում հանդիպելու առաջարկի մասին. Դեռ չենք որոշել Վարչապետի աշխատակազմից ասել են, որ տեղեկություն չունեն |