Իրանական կոմբինատը վերամշակելու է Հայաստանի պղինձը

PanARMENIAN.Net - Ընկերության առաջնությունը «Սունգուն» պղնձի հանքավայրում նախագծերի արագ իրագործումն է Արեւելյան Ատրպատական գավառում: Այդ մասին հայտարարել է Իրանի պղնձաձուլական արդյունաբերության ազգային ընկերության գլխավոր տնօրեն Մուհամմեդ Հադի Արդեբիլին:



Մոլիբդենային գործարանի եւ «Սունգուն» պղնձի հանքավայրի կոմբինատի շինարարության մեկնարկի արարողության ժամանակ Արդեբիլը նշել է, որ «Սունգուն» պղնձաձուլական կոմբինատի շինարարությունն Իրանի պղնձաձուլական արդյունաբերության կարեւորագույն նախագծերից է համարվում: «Կոմբինատի կառուցման ժամանակ կիրառվում են բարձր տեխնոլոգիաներ եւ օգտագործվում է համաշխարհային եւ եվրոպական փորձը: Շինարարությունն անցկացվում է եվրոպական եւ իրանական ընկերությունների մասնակցությամբ: Նախագծի իրագործումը պետք է ավարտվի 2012-ին»,- նշել է նա:



Արդեբիլին նաեւ նշել է, որ Հայաստանի հետ բանակցություններ են վարվում «Սունգուն» կոմբինատում հայկական պղնձի կոնցենտրատի վերամշակման մասին, եւ դրա հետ կապված նշել է, որ կոմբինատի շինարարության ավարտի հետ վերամշակվելու են կոնցենտրատներ, որոնք արդյունահանվում են «Սունգուն» հանքավայրում, ինչպես նաեւ բերվում են Հայաստանից, հաղորդում է Iran.ru-ն: