ՌԴ նախագահն ընդգծել է ՀԱՊԿ ԱԱՀՈւ-ի իրավական ձեւակերպման կարեւորությունը 8 հունիսի 2009 - 20:21 AMT PanARMENIAN.Net - Արագ արձագանքման հավաքական ուժերի (ԱԱՀՈւ) կազմավորման գաղափարը ժամանակակից աշխարհում մնում է արդիական եւ այդ պատճառով անհրաժեշտ է շարունակել այդ նախաձեռնության իրավական ձեւակերպման աշխատանքը: Այդ մասին ՀԱՊԿ գլխավոր քարտուղար Նիկոլայ Բորդյուժայի հետ հանդիպմանը հայտարարել է ՌԴ նախագահ Դմիտրի Մեդվեդեւը: «ՀԱՊԿ արտահերթ նստաշրջանի անցկացումից ի վեր, որտեղ որոշում կայացվեց ԱԱՀՈւ ստեղծման մասին, ժամանակ է անցել, որը հստակ ցույց տվեց, որ հավաքական ուժերի կազմավորման գաղափարը ոչ միայն չի կորցրել իր արդիականությունն, այլ շատ կարեւոր է ժամանակակից աշխարհում, պահպանվող սպառնալիքների` ահաբեկչական, թմրանյութերի եւ սպառնալիքների պայմաններում»,-ասել է Դ.Մեդվեդեւը: ՌԴ նախագահը հավելել է, որ անհրաժեշտ է զբաղվել փաստաթղթերի նախապատրաստմամբ, որպեսզի ԱԱՀՈՒ ուժերը ստանան օրինական հիմք: Ն.Բորդյուժան տեղեկացրել է նախագահին այն մասին, որ ՀԱՊԿ հերթական գագաթնաժողովի համար, որը տեղի կունենա հունիսի 14-ին, արդեն նախապատրաստված կլինի փաստաթղթերի փաթեթը: Ն.Բորդյուժան նշել էր, որ ՀԱՊԿ արտահերթ նստաշրջանի անցկացումից ի վեր մեծ աշխատանք է կատարվել: «Բոլոր փաստաթղթերը հիմնականում համաձայնեցված են, ունեն պատրաստվածության բարձր մակարդակ»,-զեկուցել է ՀԱՊԿ գլխավոր քարտորղարը: «Մենք ուսումնասիրել ենք արագ արձագանքման ուժերի կազմավորման համաշխարհային փորձը, անց ենք կացրել շուրջ 30 նիստ փորձագետների մակարդակով, այդ թվում բարձր մակարդակի փորաձգետների թվում», հաղորդում է «Վեստի.ռու-ն»: ՀԱՊԿ կազմում են Ռուսաստանը, Հայաստանը, Բելառուսը, Ղազախստանը, Ղրղստանը, Տաջիկստանն ու Ուզբեկստանը: ԱԱՀՈւ ստեղծման մասին պայմանագիրը ստորագրվել է 2009թ. փետրվարի 4-ին Մոսկվայում: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Փաշինյանը մեկնել է Դանիա Նա կմասնակցի «Առաջնագծից․ Հայաստանի ժողովրդավարության պաշտպանությունը» թեմայով քննարկմանը Բաքվում ԱՄՆ դեսպանատուն․ Սատարում ենք Ադրբեջանի և ՀՀ ղեկավարներին և աջակցություն առաջարկում խաղաղության հասնելու գործում Կոչ է արվում պահպանել այդ դինամիկան և համաձայնագիր ստորագրել «նախորդ բանակցությունների հիման վրա» Երևանը կհյուրընկալի կարատեի Եվրոպայի 2025-ի մեծահասակների առաջնությունը 2027-ին Եվրոպայի կարատեի պատանիների, երիտասարդների առաջնությունը ևս կանցնի Հայաստանում Զբոսաշրջության կոմիտեի նախագահն ազատվել է պաշտոնից Պօղոսեանը նշանակվել էր պաշտոնում 2022–ի հունվարին |