Արմեն Մինասյան. Հայաստան-Թուրքիա խաղի շեմին ձեռնարկվել են անվտանգության բոլոր միջոցները 8 հունիսի 2009 - 21:43 AMT PanARMENIAN.Net - 2011 թվականի Եվրոպայի երիտասարդական առաջնության ընտրական փուլի շրջանակներում Հայաստանի Մ 21 տարեկանների ընտրանին հունիսի 9-ին կմրցի Թուրքիայի իր հասակակիցների հետ: Առաջիկա հանդիպման առնչությամբ Հայաստանի ֆուտբոլի ֆեդերացիայի գործադիր տնօրեն Արեմն Մինասյանը պարզաբանել է նախապատրաստական աշխատանքների որոշ մանրամասներ: «Առաջին հերթին, ցանկանում եմ նշել, որ գալիք հանդիպումը վերջին մեկ տարվա ընթացքում տարբեր հավաքականների մակարդակով 5-րդն է Հայաստանի եւ Թուրքիայի միջեւ: Մենք երեք անգամ Թուրքիայի տարբեր հավաքականներին ընդունել ենք մեր հայրենիքում, եւ, ըստ ստացված արձագանքի, բարձր մակարդակով ենք կազմակերպել եւ անցկացրել վերը նշված բոլոր հանդիպումները: Ինչ վերաբերում է այս խաղից առաջ տիրող մթնոլորտին, ապա ասեմ, որ, ի տարբերություն անցած հանդիպումների, այժմ լարվածությունը շատ ավելի քիչ է: Դա պայմանավորված է նրանով, որ մենք այս մակարդակի հանդիպումներ կազմակերպելու բավական փորձ ենք ձեռք բերել: Ամեն դեպքում, հավատացնում եմ, որ այս անգամ եւս ամեն ինչ շատ բարձր մակարդակով է կազմակերպվելու»,-ասել է Մինասյանը: Մինասյանը նաեւ ընդգծել է, որ ձեռնարկվել են անվտանգության բոլոր անհրաժեշտ միջոցները, եւ պարզաբանել է, թե ինչու մուտքը մարզադաշտ ազատ չի լինի: «Ըստ ՖԻՖԱ-ի եւ ՈՒԵՖԱ-ի կանոնակարգային պահանջների` միջազգային մրցելույթները չի թույլատրվում կազմակերպել առանց տոմսերի վաճառքի: Իհարկե, Հայաստանի ֆուտբոլի ֆեդերացիան միշտ առաջնորդվել եւ առաջնորդվում է հետեւյալ սկզբունքով. խաղը կազմակերպել հանդիսատեսի համար եւ ստեղծել լավագույն պայմաններ` աջակցելու մեր հավաքական թիմերին ամենատարբեր միջազգային մրցելույթներում, որը, ինչպես հայտնի է, հաջող ելույթի ամենամեծ գրավականներից մեկն է: Ամեն դեպքում, կցանկանամ նշել, որ միջազգային կառույցների կանոնակարգային պահանջների ոտնահարման պարագայում կիրառվում են խստագույն պատժամիջոցներ: Ավելորդ չեմ համարում նշել նաեւ, որ 2008 թվականի օգոստոսին կայացած Հայաստան Թուրքիա երիտասարդական հավաքականների խաղից հետո, երբ ՀՖՖ-ն այդ խաղի համար սահմանել էր ազատ մուտք, միջազգային ֆուտբոլային կառույցների կողմից մեզ ներկայացվեց բավական խիստ զգուշացում հետագայում պատժամիջոցներ կիրառելու նպատակով: Այդ է պատճառը, որ մենք այս խաղի համար կազմակերպել ենք տոմսերի վաճառք, սակայն ցանկանում եմ ավելացնել, որ մենք սահմանել ենք հնարավորինս մատչելի գներ` երկրպագուների մուտքը մարզադաշտ չխոչընդոտելու նպատակով: Օգտվելով առիթից` ցանկանում եմ նշել միայն, որ հունիսի 9-ին ակնկալում եմ տեսնել «Հանրապետական» մարզադաշտը լեփ-լեցուն եւ վստահ եմ, որ երկրպագուների բուռն աջակցությունը կարող է նպաստել մեր թիմի հաջողությանը»,-ասել է Մինասյանը: Ուշագրավ Ավելի վաղ Եվրոպայի առաջնության փոխչեմպիոն էր դարձել Բարեղամ Հարությունյանը Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը | «Օրգանական գյուղատնտեսության զարգացման» 2024-2025թթ. անվճար ծրագիրը սկսվում է Ծրագրին կարող են դիմել այն տնտեսվարողները, ովքեր իրականացնում են օրգանական սննդի արտադրություն կամ պատրաստ են անցնել վերջինիս Բաքոյան․ Իշխանական պատգամավորները Կիրանցում անելիք չունեն, Բագրատ սրբազանի հետ հանդիպումը բացառում են Ըստ նրա՝ որևէ մեկի իրավունքը, ճանապարհ փակելով, չի խախտվում, ուղղակի չպետք է սադրել Կիրանցի ճանապարհին կարմիրբերետավորները բիրտ ուժ են կիրառել․ 14 մարդ է բերման ենթարկվել ԱԺ պատգամավոր Խամոյանը տեսանյութ է հրապարակել Երևանը նոր Գլխավոր հատակագիծ կունենա Դա կլինի թվայնացված փաստաթուղթ |