Ընդդիմության հանրահավաքն ավարտվեց ավանդական երթով Երեւանի կենտրոնական փողոցներով12 հունիսի 2009 - 23:07 AMT PanARMENIAN.Net - Ընդդիմության այսօրվա հանրահավաքում, ավանդաբար, ամենավերջում, ելույթ ունեցավ ՀԱԿ առաջնորդ Լեւոն Տեր-Պետրոսյանը: Նա նշել է, որ Արեւմուտքն ամեն կերպ քողարկում է Սերժ Սարգսյանի անօրինությունները, ինչի մասին է վկայում նրանց վերջին հայտարարությունը Երեւանի ավագանու ընտրությունների արդյունքների վերաբերյալ: Ընդ որում Լեւոն Տեր-Պետրոսյանը հավելել է, որ չի դատապարտում եւ չի քննադատում ՌԴ դիրքորոշումը, քանի որ նրա արարքներում եւ առաջնորդների խոսքերում հակասություններ չկան: Նա նաեւ ընդգծել է, որ նախապես է հայտնում իր կարծիքը , որպեսզի Արեւմուտքում հասկանան, որ այստեղ հասկացող մարդիկ են: Անդրադառնալով արտաքին քաղաքականությանը` Լեւոն Տեր-Պետրոսյանը կոչ է արել միավորվել բոլոր ընդդիմադիր կուսակցություններին, այդ թվում վերջերս կոալիցիայից դուրս եկած ՀՅԴ-ին, ինչպես նաեւ «Բարգավաճ Հայաստան» կուսակցությանը: «Դուք ցանկանում էիք աշխատել, ձեզ ընձեռվում է այդ հնարավորությունը»,-ասել է ՀԱԿ առաջնորդը: Ընդ որում նա հրապարակել է այն 12 կետերը, որոնցով նրանք պետք է առաջնորդվեն: Լեւոն Տեր-Պետրոսյանը կրկին անդրադարձել է վերջին ընտրություններին` հայտարարելով, որ մայիսի 31-ին Հայաստանում ընտրություններ չեն եղել: Նա կոչ է արել որոշ քաղաքական գործիչների, որոնք հայտնվել են իշխանությունների լարած թակարդում եւ հանդես են եկել ընտրությունների նորմալ ընթացքի մասին հայտարարություններով, բացել աչքերն ու չենթարկվել քաղաքական ճնշման: ՀԱԿ-ի առաջնորդը հիշեցրել է ընթացիկ տարվա մարտի 1-ի իր ելույթը, եւ հաղորդել է, որ ինչպես նախկինում, նա կրկին կոչ է անում պայքարել իշխանությունների դեմ սահմանադրական միջոցներով այնքան ժամանակ, մինչեւ որ Սերժ Սարգսյանը հեռանա Հայաստանից: Լեւոն Տեր-Պետրոսյանը նշանակել է հաջորդ հանրահավաքի օրը, որը տեղի կունենա աշնանը` սեպտեմբերի 18-ին: Ընդ որում նա չի բացառել, որ անհրաժեշտության դեպքում կարող են միջանկյալ հանրահավաքներ լինել: Ընդդիմության հանրահավաքն ավարտվեց ավանդական երթով Երեւանի կենտրոնական փողոցներով: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ «Մեկնարկի՛ր». Կրթական հարթակ՝ ստարտափ ստեղծող երիտասարդների համար Ավագ դպրոցի աշակերտուհին որոշել է Վանաձորում թեմատիկ քվեսթ (quest) սենյակներ ստեղծել |