ՆԳ նախարար Արփինե Սարգսյանը հայտարարել է, որ մեքենայի առքուվաճառքը հիմա հնարավոր է իրականացնել մի քանի րոպեում՝ առանց տնից դուրս գալու։ Այդ մասին նա հայտնել է ֆեյսբուքյան եթերում։
Նա տեղեկացրել է, որ մեքենաների առցանց վաճառքի հարթակ է գործարկվել:
«Արդեն ներդրել ենք թվային տիրույթում առուվաճառքի իրականացման առցանց հարթակը։ Ավելին, հաշվառման համարանիշն ու վկայագիրը կարող եք ստանալ փոստային առաքման միջոցով։
Առաջիկայում ավելի հավակնոտ նպատակներ ունենք։ Հարթակը պետք է վերածվի տրանսպորտային միջոցի հետ առնչվող ցանկացած գործարքի միակ կետի, որտեղ կարող եք տեսնել խախտումները, վճարել դրանք, կնքել ԱՊՊԱ պայմանագիր, ստանալ տեխզննության պատկերը և այլն»,-նշել է նախարարը։
Նախարար Սարգսյանը ընդգծել է, որ դեռ մեկ տարի առաջ նման հնարավորություն իրականությունից շատ հեռու էր թվում, սակայն ներկայում արդեն կա այդպիսի հնարավորություն։
