 «Հայանտառի» մասնաճյուղի պահեստապետը փայտանյութի դիմաց կաշառք է ստացել․ 4 անձի գործով նախաքննությունն ավարտվել է 13 հունվարի 2026 - 17:40 AMT PanARMENIAN.Net - Ավարտվել է «Հայանտառ» ՊՈԱԿ-ի պաշտոնյայի և ևս երեք անձի վերաբերյալ քրեական վարույթի նախաքննությունը։ Գործը վերաբերում է սահմանված չափը գերազանցող փայտանյութ տրամադրելու դիմաց կաշառք ստանալու դեպքերին, հայտնում է Հակակոռուպցիոն կոմիտեն: Նախաքննության արդյունքում պարզվել է, որ «Հայանտառ» ՊՈԱԿ-ի մասնաճյուղերից մեկի պահեստապետը, օգտագործելով իր պաշտոնեական դիրքն ու լիազորությունները, 2025 թվականի հուլիսին Վանաձոր համայնքի բնակչից և նրա որդուց կաշառք է ստացել՝ վերջիններիս սահմանվածից ավելի փայտանյութ տրամադրելու դիմաց։ Բացի այդ, նույն բնակիչը, մեկ այլ անձի հետ նախնական համաձայնությամբ, ևս մեկ անգամ կաշառք է տվել նույն պահեստապետին՝ փայտանյութ ստանալու նպատակով։ Նախաքննությամբ բացահայտվել է նաև երրորդ դրվագը՝ նույն պաշտոնատար անձի կողմից մեկ այլ քաղաքացուց կաշառք ստանալու դեպք, կրկին՝ թույլատրելիից ավել փայտ տրամադրելու համար։ Պահեստապետին մեղադրանք է առաջադրվել ՀՀ քրեական օրենսգրքի 435-րդ հոդվածի 1-ին մասով, ինչպես նաև 435-րդ հոդվածի 2-րդ մասի 3-րդ կետով՝ կաշառք ստանալու երեք դրվագով։ Մյուս երեք անձինք մեղադրվում են կաշառք տալու համար՝ ըստ ՀՀ քրեական օրենսգրքի 436-րդ հոդվածի 2-րդ մասի 1-ին և 3-րդ կետերի, ինչպես նաև 436-րդ հոդվածի 1-ին մասի։ Քրեական վարույթի նախաքննությունն ավարտվել է, և գործի նյութերն ուղարկվել են հսկող դատախազին՝ մեղադրական եզրակացությունն հաստատելու և այն դատարան ուղարկելու միջնորդությամբ։   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
