Հրաչյա Պետրոսյան. Անհնար է որոշել երկրաշարժի կոնկրետ վայրը եւ ժամանակը19 հունիսի 2009 - 16:42 AMT PanARMENIAN.Net - «Երեկվանից Հայաստանի տարածքում արձանագրվել է 11 ցնցում, վերջին ցնցումը արձանագրվել է այսօր առավոտյան ժամը 08:44-ին, երբ տատանումների հաճախականությունը կազմել է 0,8, որը Ռիխտերի սանդղակով 1 բալ է, որը վկայում է այն մասին, որ ցնցումների ուժը թուլանում է, եւ խուճապի համար առիթներ չկան»,- այսօր մամլո ասուլիսի ժամանակ հայտարարել է Հայաստանի Սեյսմիկ պաշտպանության ազգային կենտրոնի տնօրենի տեղակալ Հրաչյա Պետրոսյանը:«Չտեղեկացված մարդիկ միշտ խիզախ են իրենց դատողություններում: Երեկ քաղաքում լուրեր են տարածվել այն մասին, որ եւս մի երկրաշարժ տեղի է ունենալու սկզբից Երեւանում, հետո Աբովյան քաղաքի մոտ, եւ 2 «անհաջող» փորձերից հետո պարզվեց, որ Արամաս գյուղի մոտ: Խոսվում էր նաեւ երկրաշարժի «ստույգ ժամի» մասին»,- հայտարարել է նա: «Ավերիչ երկրաշարժ Երեւանում վերջին անգամ գրանցվել է 1679-ին, որի ուժը կազմել է 10 բալ: Երեւանը սեյսմիկ գոտի չէ, մայրաքաղաքին ամենամոտ սեյսմիկ գոտին Փարաքար գյուղն է»,- հայտարարել է Պետրոսյանը, նշելով, որ ամենաուժեղ ցնցումները (մոտ 6 բալ) Երեւանում գրացվել են 1979-ին: Հրաչյա Պետրոսյանը նաեւ ավելացրել է, որ ՍՊԱԿ-ում գործում է լաբորատորիա, որտեղ ակվարիումներում ապրում են հատուկ բրազիլական ձկներ, որոնց օգնությամբ սեյսմոլոգները փորձում են կանխատեսել երկրաշարժերը: Միաժամանակ նա ավելացրել է, որ երեկվա երկրաշարժից առաջ ձկների կողմից ոչ մի անհանգստություն չի նկատվել: Պետրոսյանի խոսքերով անհնար է որոշել երկրաշարժի կոնկրետ վայրը եւ ժամանակը: Բայց նա չի բացառել, որ ժամանակի հետ դա էլ է հնարավոր լինելու: Նրա տեսակետը կիսել է Հայաստանի ԱԻՆ Հատուկ ծառայության ղեկավարի խորհրդական, գնդապետ Նիկոլայ Գրիգորյանը. «Մենք գիտենք, որ ապրում ենք սեյսմավտանգ գոտում, եւ պետք է պատրաստ լինենք երկրաշարժերի: Մենք արդեն տեսել ենք նման ուժեղ երկրաշարժ 1988-ին, եւ շատերի մեջ մինչեւ այժմ վախ կա: Հեշտ է վախեցնել վախեցած մարդուն, որը կեղծ լուրեր տարածելու առիթ է տալիս եւ հասարակության մեջ խուճապ ստեղծում»: Նա նաեւ հայտարարել է. «Ոչ մի փորձագետ չի կարող կանխատեսել երկրաշարժ: Նման փորձեր արդեն եղել են ԱՄՆ-ում եւ Եվրոպայում, բայց դրանք միշտ ձախողվել են»: Գրիգորյանը նշել է, որ միայն Չինաստանում միլիարդավոր դոլար ծախսելուց հետո հասել են նրան, որ կարող են 30 վայրկյան առաջ կանխատեսել երկրաշարժը: Հայաստանում նախօրեին տեղի ունեցած երկրաշարժի էպիկենտրոնը գտնվում է Գառնի գյուղից 10 կմ հյուսիս: Երկրաշարժի տատանումների լայնույթը 3.25 է, որը Ռիխտերի սանդղակով 5 բալ է: Երեւանում եւ մոտակա բնակավայրեում ցնցումների ուժը կազմում է 3-4 բալ: Զոհեր եւ ավերածություններ չկան: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Վրաստանի խորհրդարանի կոմիտեն 3–րդ ընթերցմամբ ընդունել է «ռուսական» օրինագիծը․ Ցույցերը շարունակվում են Ցուցարարները պարբերաբար վանկարկում էին «ստրուկներ» և պահանջում հետ կանչել օրինագիծը ԵԱՀԿ նախագահ․ Պատրաստ ենք աջակցել ՀՀ-ին՝ ԵԱՀԿ անվտանգային բոլոր երեք ուղղությամբ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Ֆրանսիան ողջունել է ՀՀ–ին և Ադրբեջանի ԱԳ նախարարների հանդիպումն Ալմաթիում Ֆրանսիան կոչ է արել շարունակել սահմանազատումն ու քննարկումները խաղաղության պայմանագրի շուրջ IDBank-ը թողարկել է դոլարային պարտատոմսերի՝ 2024-ի թվով 2-րդ տրանշը Սա IDBank-ի դոլարային պարտատոմսերի հոբելյանական 25-րդ թողարկումն է |