Որևէ մեկն իրավունք չունի միջամտելու եկեղեցու ներքին հարցերին, հայտարարել է Արցախի անվտանգության խորհրդի նախկին քարտուղար Վիտալի Բալասանյանը:
«Վտանգավոր է այն, ինչ երկրի իշխանությունները սկսել են։ Վստահ եմ, շատ շուտ ձեռնպահ կմնան և նույն Նիկոլ Փաշինյանը պետք է գա եկեղեցու բակում մեղա գա, Աստծուց ու հոգևորականներից ներողություն խնդրի»,-ասել է նա Մայր Աթոռի բակում, հայտնում է Aysor.am-ը:
Բալասանյանը հավելել է, որ տեղի ունեցող զարգացումները ոչ թե Վեհափառի, այլ եկեղեցու դեմ են։
Նա համոզված է, որ այն բարձրաստիճան հոգևորականները, որոնք շեղվել են իրենց ճանապարհից, շուտով կհայտնվեն Մայր Աթոռում և մեղա կգան։
«Համոզված եմ, որ կաթողիկոսն էլ կների»,- ասել է Բալասանյանը։
Փետրվարի 14-ին հայտնի դարձավ, որ ՀՀ դատախազությունը քրեական հետապնդում է հարուցել Ամենայն Հայոց կաթողիկոս Գարեգին Բ-ի նկատմամբ Մասյացոտնի թեմի նախկին առաջնորդի գործով դատական ակտը չկատարելու մեղադրանքով, և արգելել է նրա ելքը Հայաստանից:
