Լոնդոնի հայկական եկեղեցում մատուցվեց առաջին պատարագը22 հունիսի 2009 - 15:48 AMT PanARMENIAN.Net - Լոնդոնում մեծ հաջողությամբ է անցել հայ երիտասարդ կոմպոզիտոր Տիգրան Գրիգորյանի պատարագի առաջին կատարումը: Առաջին ելույթը տեղի ունեցավ Բրիտանիայի մայրաքաղաքի հայկական եկեղեցիներից մեկում: Հինգ մասից բաղկացած ստեղծագործությունը երգչախմբի ու երգեհոնի համար կատարել է սբ.Եղիշեի եկեղեցու երգչախումբը հայտնի անգլիացի երաժիշտ Վիլյամ ՄըքՎիկարի ղեկավարությամբ: Ներկաների թվում էին Մեծ Բրիտանիայում եւ Իռլանդիայում ՀՀ դեսպան Վահե Գաբրիելյանը եւ Անգլիայի հայոց թեմի առաջնորդ արքեպիսկոպոս Նաթան Հովհաննիսյանը, որոնք ջերմորեն ընդունեցին Գրիգորյանի ստեղծագործությունը` նշելով նրա երաժշտության խորությունը, թարմությունը եւ մեղեդայնությունը: Տիգրան Գրիգորյանը Լոնդոնի Trinity College of Music կոնսերվատորիայի դաշնամուրի ու կոմպոզիցիայի բաժնի ուսանող է: Դալիչի պատարագը, որն այդպես է կոչվում Լոնդոնի այն թաղամասի պատվին, որտեղ նա բնակվում է, դարձավ նրա առաջին խոշոր ստեղծագործությունը: Նա սկսել է երաժշտություն գրել 18 տարեկանում, Թագավորական երաժշտական քոլեջում ուսանելու տարիներին: «Ես սկսել եմ պատարագը գրել 2007թ. սբ. Վառվարեի եկեղեցու երգչախմբի համար»,-պատմել է երաժիշտը PanARMENIAN.Net ի թղթակցին: Ըստ նրա, ամենից երկար նա աշխատել է կոմպոզիցիայի «Գլորիա» կոչվող երկրորդ մասի վրա: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Վրացի խորհրդարանականներն այցելել են Ծիծեռնակաբերդ Հյուրերը ծաղիկներ են խոնարհել Հայոց ցեղասպանության զոհերի հիշատակը հավերժացնող անմար կրակի մոտ Գաբրիելյանը և Միքանաձեն կրթական ոլորտում գործակցության համատեղ հայտարարություն են ստորագրել Փաստաթուղթն ինստիտուցիոնալ հենքի վրա կդնի երկու հանձնաժողովների գործունեությունը Ադրբեջանի ՄԻՊ–ն այցելել է Ստեփանակերտում մնացած հայերին՝ խոցելի խմբերի համար կացարանում Շահրամանյանն ասել է, որ Արցախում շարունակում է մնալ 10-11 մարդ ՀՀ-ից Գազա մարդասիրական օգնություն տանող ինքնաթիռը հասել է Եգիպտոս Օգնությունը ներառում է սնունդ, դեղորայք և բժշկական պարագաներ |