Այսօր ժամը 13:00-ին ՀՀ ԱԱԾ մեկուսարանից ՀՀ ԱԺ կողմից հայտարարված համաներման հիման վրա ազատ է արձակվել Հայաստանի գլխավոր դատախազի նախկին տեղեկալ Գագիկ Ջհանգիրյանը: Մեկուսարանի դռների մոտ նրան դիմավորել են դեռ երեկ ազատ արձակված Ջհանգիրյանի ընկերներն ու համախոհները:

Մարտի 23-ին Երեւանի Կենտրոն եւ Նորք-Մարաշ համայնքների ընդհանուր իրավասության դատարանում Գագիկ Ջհանգիրյանը մեղավոր էր ճանաչվել ՔՕ 316 հոդվածի 1-ին մասով (իշխանության ներկայացուցիչների նկատմամբ առողջության համար վտանգավոր բռնության կիրառում) եւ դատապարտվել էր 3 տարվա ազատազրկման: