Հայաստանի, Ադրբեջանի եւ Թուրքիայի արտաքին գործերի նախարարների հաջորդ հանդիպումը կկայանա հունիսի վերջին Ստամբուլում: Ինչպես տեղեկացնում է «Արմինֆո» գործակալությունը` վկայակոչելով Անկարայում լույս ընծայվող «Ռադիկալ» թերթը, եռակողմ հանդիպումը կկայանա Սեւծովյան տնտեսական համագործակցության անդամ-պետությունների արտաքին քաղաքական գերատեսչությունների ղեկավարների վեհաժողովի շրջանակներում եւ կսկսի աշխատանքը հունիսի 25-ին Ստամբուլում: Հիշեցնենք, որ Վարդան Օսկանյանի, Վիլայաթ Գուլիեւի եւ Իսմայիլ Ջեմի առաջին հանդիպումը կայացել է մայիսի 15-ին Ռեյկյավիկում: Լրատվության արտատպելու, կամ օգտագործելու դեպքում հղումը "PanARMENIAN.Net"-ի վրա պարտադիր է: