Առաջին անգամ «Ոսկե ծիրանի» շրջանակներում տեղի է ունենալու ճապոնական ֆիլմերի ցուցադրություն30 հունիսի 2009 - 20:34 AMT PanARMENIAN.Net - «Ոսկե ծիրան» 6-րդ միջազգային կինոփառատոնի շրջանակներում, որը տեղի է ունենալու Երեւանում հուլիսի 12-19-ը, կայանալու են «Մեկ օր Եվրոպայում» եւ «Արաբական գիշերներ» ավանդական ծրագրերը: Առաջին անգամ կինոփառատոնի շրջանակներում տեղի կունենա ճապոնական ֆիլմերի ցուցադրություն` Կոխեի Օգուրիի ֆիլմերի հետահայաց ցուցադրությունը:«Մեկ օր Եվրոպայում» ծրագրի շրջանակներում տեղի է ունենալու լեհական, ֆրանսիական, գերմանական եւ հոլանդական ֆիլմերի ցուցադրություն: Լեհական ֆիլմերից հայ հանդիսատեսին ներկայացվելու են Պետեր Լենարտովիչի, Միխայիլ Ռոսի եւ լեհական կինոյի վարպետներից մեկի` Անջի Վայդայի ֆիլմերը: Գերմանական ֆիլմերի ցիկլից ներկայացվելու են Անդրեաս Դրեզենի, Քրիստիան Պեցոլդի եւ եւս 13 ռեժիսորների ֆիլմեր, որոնք ստեղծել են «Գերմանիա 09» ֆիլմը` կազմված տարբեր ժանրերի 13 կարճամետրաժ ժապավեններից: Գերմանական ֆիլմերի ցուցադրման շրջանակներում տեղի է ունենալու Ֆայթ Հելմերի «Աբսուրդստան» ֆիլմ երեւանյան պրեմիերան, որը հայ-գերմանական-ադրբեջանական համատեղ աշխատանք է: Կինոփառատոնի շրջանակներում ներկայացվելու են ռեժիսորներ Լորեն Թուելի, Անդրե Տեշինեի, Սիլվի Վերեյդայի, Ֆրեդերիկ Բալեջյանի, Էնդի Վիգենի եւ Տիգրան Ավետիքյանի ֆիլմերը: «Ուրախությամբ ցանկանում եմ նշել, որ այս տարի փառատոնը բացվելու է «Առաջին շրջան» ֆիլմի երեւանյան պրեմիերայով, որտեղ խաղում է Ժան Ռենոն: Ֆիլմի պրոդյուսերն է Ալան Թերզյանը»,- հունիսի 30-ին տեղի ունեցած մամլո աուլիսի ժամանակ հայտարարել է Հայաստանում Ֆրանսիայի դեսպանատան ներկայացուցիչ Ժան-Պոլ Մարտենը: Փառատոնում ներկայացվելու է նաեւ հեղինակային կինո` ստեղծված ամերիկյան ռեժիսորների կողմից, որոնց շարքում լինելու է Ռոբ Նիլսոնը, որը Երեւանում վարպետության դասեր է տալու: «Երեք տարի շարունակ Հայաստանում ԱՄՆ դեսպանատունը համագործակցում է «Ոսկե ծիրան» փառատոնի հետ»: Այս տարի ներկայացվելու են 6 ամերիկյան ռեժիսորների աշխատանքներ, որոնք թրենինգներ են անցկացնելու հայ կինոարդյունաբերությանն աջակցելու համար, որը մոտ 80 տարեկան է»,- ասել է Հայաստանում ԱՄՆ դեսպանատան մամուլի հետ կապերի դեպարտամենտի ղեկավարի ներկայացուցիչ Թոմաս Միտնախտը: Բացի եվրոպական կինոյից, փառատոնի ժամանակ երկրորդ անգամ տեղի են ունենալու «Արաբական գիշերներ», որոնց շրջանակներում այս տարի հիմնական շեշտը դրվելու է լիբանանյան ռեժիսորների ֆիլմերի վրա, այդ մասին հայտարարել է ծրագրի պատասխանատու Վրեժ Կասունին: «Ոսկե ծիրան» փառատոնի հետ համագործակցում են Գերմանիայի, Ֆրանսիայի, Լեհաստանի, Հոլանդիայի, Լեհաստանի դեսպանատները, Ճապոնիայի Կինոֆոնդերը, ինչպես նաեւ Յունիֆրանս միջազգային կազմակերպությունները, Գյոթեի ինստիտուտը, Բաց հասարակության ինստիտուտը եւ «Եվրազիա» գործընկերության հիմնադրամը: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | «Էջմիածին» դաշինքի ղեկավար Սևակ Խաչատրյանն ազատ է արձակվել նրա մոտ զենք-զինամթերք չի հայտնաբերվել Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով Նա հավելել է, որ ԱՄՆ–ն սատարում է վրաց ժողովրդին ՀՀ նախագահն ԱՄՆ-ում հանդիպել է կուսակցությունների ներկայացուցիչների հետ Նա մանրամասներ է հայտնել Հայաստանի և Ադրբեջանի միջև ընթացքող սահմանազատման գործընթացի վերաբերյալ Սամվել Բաբայան․ Նիկոլին սարքել եք անփոխարինելի, փողոցից ում էլ բռնեն՝ իրենից վատ վարչապետ չի լինի, թող հրաժարական տա Նա ասել է, որ պետք է գնալ նոր ընտրությունների |