Ընդդիմադիր քաղաքական ուժերը` Հայ ազգային կոնգրեսը (ՀԱԿ) եւ «Ժառանգությունն» արդեն կազմավորել են իրենց պլատֆորմը, որի վրա կարող են համագործակցել այլ ուժերի հետ: ՀՅ Դաշնակցությունն ունի իր ծրագիրը, որում ընդգծված են առաջին հերթին ազգային ու սոցիալական հարցերը, ժողովրդավարական արժեքները: Այդ մասին լրագրողների հետ հանդիպմանը հայտնել է ՀՅ Դաշնակցություն խմբակցությունից պատգամավոր, ԵԽԽՎ-ում հայկական պատվիրակության անդամ Արմեն Ռուստամյանը:

Նրա խոսքով, դեռեւս պարզ չէ, թե ինչպիսին կլինի համագործակցությունը ընդդիմադիր ուժերի միջեւ: «Ժամանակը ցույց կտա, բայց պարզ է մի բան. ԼՂՀ անկախության հարցը դրված է վաղուց եւ վճռականորեն: Դա քննարկման ենթակա հարց չէ»,- ընդգծել է Ռուստամյանը: