Հովհաննես Մութաֆյան. Անվստահությունը վաղվա օրվա հանդեպ խանգարում է մարդկանց բնակարաններ գնել 1 հուլիսի 2009 - 19:50 AMT PanARMENIAN.Net - Եթե բնակչությունը հասկանա, որ ճգնաժամը նահանջում է, շինարարության ոլորտում ակտիվություն է նկատվում, ապա իրավիճակն երկրում զգալիորեն կփոխվի, PanARMENIAN.Net ի թղթակցին է ասել «Էլիտ գրուպ» ընկերության գլխավոր ճարտարապետ Հովհաննես Մութաֆյանը: Ըստ նրա, «մութ» տարիներին, երբ մարդիկ կորցրել էին հույսը, Հյուսիսային պողոտայի կառուցմանն ուղղված առաջին քայլերը շինարարության ոլորտի զարգացման, նոր ներդրումների, նոր աշխատատեղերի ստեղծման հույս ներշնչեցին: «Միայն այն ակնկալիքը, որ նոր շենք է կառուցվելու, նոր աշխատատեղեր կբացվեն, աջակցություն կլինի կառավարության ու բանկերի կողմից, ինչը կնպաստի շինարարության ոլորտի զարգացմանը»,-ասել է նա: Մութաֆյանը հաղորդել է, որ ՎԶԵԲ-ից ստացած վարկային միջոցները կուղղվեն արդեն սկսված նախագծերն ավարտին հասցնելուն, իսկ նոր նախագծերի համար հարկավոր է ֆինանսավորում, ինչն այս պայմաններում շատ դժվար խնդիր է: Շատ նախագծեր, ըստ ճարտարապետի, սառեցվել են ճգնաժամի պատճառով: «Այժմ մենք ակնկալում ենք, որ եթե ոչ այսօր, ապա վաղը կյանքը կակտիվանա, եւ նախագծերը կավարտվեն»,-ասել է նա: Ինչ վերաբերում է Հյուսիսային պողոտայի կառուցմանը, ապա ըստ Մութաֆյանի, տնտեսական տեսակետից այն արդարացրեց իրեն, քանի որ նոր աշխատատեղեր ստեղծվեցին, գործարանները աշխատեցին, շինարարական ոլորտը գործեց, նոր տեխնոլգիաներ կիրառվեցին: «Սակայն մյուս կողմից, այդ նախագիծը չարդարացվեց բնակեցման տեսակետից»,-ասել է նա: Ըստ նրա, սա արդեն այլ խնդիր է, որ բնակչությունն, անշարժ գույք ունենալով, չի օգտվում դրանից: «Միջազգային պրակտիկայում դա միանգամայն ընդունելի երեւույթ է»,-ասել է նա: «էլիտ գրուպի» գլխավոր ճարտարապետը ասել է նաեւ, որ ընկերությունը բազմաթիվ նախագծեր է իրականացնում, այդ թվում 300-տեղանոց հյուրանոցային համալիր է կառուցում Դիլիջանում, Սեւանում, Աղվերանում` հանգստյան տներ, բնակելի շենքեր Երեւանում, կա մի նախագիծ, որ իրականացվում է «Ալմաստ» գործարանի շրջանում եւ որն, ըստ ճարտարապետի, շատ հաջողված նախագիծ է: «Շինարարությունը դա բիզնես է: Եթե կառուցում ես, պետք է վաճառես»-ասել է նա: Մութաֆյանը հավելել է, որ մարդիկ արդեն միջոցներ ունեն, սակայն անվստահությունը վաղվա օրվա հանդեպ խանգարում է մարդկանց բնակարաններ գնել, բայց դրա պահանջարկը կա: «Ես լավատես եմ, եւ վստահ եմ, որ իրավիճակը շինարարության ոլորտում կփոխվի»,-ամփոփել է ճարտարապետը: Վերակառուցման եւ զարգացման եվրոպական բանկը եւ հայկական «Էլիտ գրուպ» շինարարական ընկերությունը պայմանագիր են կնքել միջնաժամկետ փոխառության մասին: Ըստ պայմանագրի, «Էլիտ գրուպ» ընկերությանը 5,5 մլն դոլարի վարկ կհատկացվի, ինչպես նաեւ 130 հազար եվրո դրամաշնորհ` էներգախնայողության ոլորտում: «Էլիտ գրուպն» իրականացնում է բնակելի ու հասարակական էլիտային համալիրների շինարարություն, ներքին հարդարման աշխատանքներ, դիզայն, շենքերի սպասարկում: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | ԵՄ դեսպան․ Խաղաղության եվրոպական հիմնադրամից ՀՀ-ին միջոցների տրամադրման քննարկումները շարունակվում են ԵՄ դեսպանի խոսքով՝ դեռ չափազանց վաղ է այս փուլում մանրամասների վերաբերյալ խոսելը Էջմիածնից 6 բերման ենթարկված կա զենք–զինամթերք պահելու կասկածանքով Ըստ շարժման, բերման են ենթարկվել «Էջմիածին» դաշինքի ավագանու անդամները, որոնք պատրաստվում էին դիմավորել Փաշինյանին Հունահայոց կազմակերպությունները զորակցություն են հայտնել «Տավուշը հանուն հայրենիքի» շարժմանը «Թափ առած շարժումը ուղղակի մերժումն է ժողովուրդին կողմից՝ իր հաշվին կայացվող որոշումների»,–ասվում է հայտարարության մեջ Միրզոյանն ու Բայրամովը մայիսի 11–ին կշարունակեն բանակցել Մայիսի 10–ին տեղի է ունեցել առաջին փուլը |