2 հուլիսի 2009 - 11:38 AMT
Ռուսաստանն առաջարկել է Թուրքիային համատեղ կառուցել South Stream-ը
Ռուսաստանն առաջարկել է Թուրքիային համատեղ կառուցել South Stream-ը: Այդ մասին հայտարարել է փոխվարչապետ Իգոր Սեչինը Թուրքիայի էներգետիկայի ու բնական պաշարների նախարար Թաներ Յիլդիզի մասին:
«Մենք առաջարկում ենք համագործակցել South Stream-ի շուրջ եւ հանդես ենք գալիս այդ նախագծի վերաբերյալ թափանցիկ որոշման կայացման օգտին»,-ասել է Իգոր Սեչինը: Նրա խոսքերով, ՌԴ-ն հուսով է, որ թուրքական կողմը կքննարկի այդ առաջարկները: Այս նախագիծը հաշվի է առնում «փոխադարձ շահերը, համապատասխանում է տնտեսական սկզբունքներին»:
Անդրադառնալով Nabucco նախագծի համեմատ այս նախագծի առավելություններին, փոխվարչապետն ընդգծել է, որ ճշգրիտ տնտեսական հաշվարկը, բոլոր գործոնների համադրումը եւ արդյունավետությունը պետք է ցույց տան, թե որ նախագիծն է լավագույնը:
«Հաշվի առնելով մեր վերլուծությունը, մեզ նախընտրելի է թվում South Stream-ը եւ այն նախագծերը, որոնք մենք զարգացնում ենք թուրքական կողմի հետ»,-հայտարարել է Սեչինը:
Ռուսաստանի ու Թուրքիայի էներգետիկայի նախարարությունները լրացուցիչ կքննարկեն Blue Stream-ի երկրորդ հերթի իրականացման իրացման հետ կապված հարցերը, հաղորդում է ԻՏԱՐ-ՏԱՍՍ-ը:
South Stream-ը գազամուղի ռուս-իտալական նախագիծ է, որն անցնելու է Սեւ ծովի հատակով Նովոռոսիյսկից դեպի բուլղարական նավահանգիստ: