Հայաստանի եւ Հունաստանի ԱԳ նախարարները համաձայնագիր են կնքել օդային հաղորդակցության մասին 3 հուլիսի 2009 - 13:42 AMT PanARMENIAN.Net - Հայաստանի արտգործնախարար Էդվարդ Նալբանդյանը Երեւանում հանդիպել է ԵԱՀԿ գործող նախագահ, Հունաստանի ԱԳՆ ղեկավար Դորա Բակոյանիսի հետ: Ավելի ուշ համատեղ մամլո ասուլիսում ՀՀ ԱԳ նախարարը հաղորդել է, որ բանակցություններում անդրադարձ է եղել Կորֆու կղզում կայացած ԵԱՀԿ ԱԳՆ ղեկավարների ոչ պաշտոնական գագաթնաժողովի, տարածաշրջանային եւ միջազգային հարցերին, հայ-հունական հարաբերություններին, ղարաբաղյան հակամարտության կարգավորմանն ու հայ-թուրքական երկխոսությանը: «Ես շնորհակալություն հայտնեցի ԵԱՀԿ գործող նախագահին Կորֆու կղզում գագաթնաժողովը բարձր մակարդակով կազմակերպելու, ինչպես նաեւ ԵԱՀԿ երեւանյան գրասենյակի արդյունավետ գործունեության եւ գործող նախագահի անձնական ներկայացուցիչ Անջեյ Կասպրշիկի ջանքերի համար: Մենք քննարկեցինք նաեւ Հայաստան-ԵԱՀԿ համագործակցության նոր ծրագրեր, այդ թվում Հայաստանում դիվանագիտական ակադեմիայի ստեղծումը»,-ասել է Էդվարդ Նալբանդյանը: Իր հերթին Դորա Բակոյանիսը նշել է, որ ուրախ է այցելել Հայաստան, քանի որ յուրաքանչյուր հույն իրեն Հայաստանում զգում է ինչպես տանը: «Հայ եւ հույն ժողովուրդները ընդհանուր շատ բան ունեն, եւ այդ ընդհանրությունը կարող է լավ խթան հանդիսանալ մեր հարաբերությունների զարգացման համար: Դրա վկայությունն է օդային հաղորդակցության վերաբերյալ կնքված համաձայնագիրը»,-ասել է Հունաստանի ԱԳՆ ղեկավարը: Ըստ նրա, Հայաստանի եւ Հունաստանի միջեւ հիանալի հարաբերություններ են ձեւավորվել եւ Աթենքը կշարունակի Հայաստանի եւ ԵՄ-ի մերձեցմանն ուղղված ջանքերը: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | ՊՆ բժշկական գումարտակը մասնակցում է ՆԱՏՕ–ի կազմակերպած զորավարժությանը Հոսպիտալն ապրիլի 30-ից ծավալվել է Հունգարիայի Վարպալուտա տարածաշրջանում գտնվող Բակոնիկուտի զորավարժարանում Սուրենյան․ Սպասվում է չափավոր տաք և տեղումնառատ մայիս Օդի ամսական միջին ջերմաստիճանը նորմայից բարձր կլինի մինչև 1 աստիճանով Ըստ Թուրքիայի իշխող ԱԶԿ–ի խոսնակի՝ ՀՀ-Ադրբեջան սահմանին տեղադրված սահմանաքարը չափազանց կարևոր է Նա ասել է, թե «Անկարան ողջունում է Հայաստանի դրական ուղերձները» Տոկաևը հուսով է` Ալմաթիի հանդիպումը կնպաստի հայ–ադրբեջանական պայմանավորվածությունների գործնական իրականացմանը Նա խորհրդանշական է համարել, որ այդ կարևոր միջոցառումը տեղի կունենա Ալմաթիում |