Վաչե Գաբրիելյան. 2009թ. Հայաստանում տնտեսության աճ չի կանխատեսվում

9 հուլիսի 2009 - 15:28 AMT

PanARMENIAN.Net - Ըստ ԿԲ փորձագետների 2009թ. Հայաստանում տնտեսության աճ չի լինի, հինգշաբթի ասել է ՀՀ ԿԲ փոխնախագահ Վաչե Գաբրիելյանը «Համաշխարհային ճգնաժամի ազդեցությունը Հայաստանի վրա` էմպիրիկ փորձ» թեմայով քննարկման ընթացքում: Սակայն, ըստ նրա, դա չի նշանակում, որ աճ չի լինի առանձին հատվածներում: Ինչ վերաբերում է համաշխարհային տնտեսության աճին, ապա, ըստ փոխնախագահի, այն կսկսվի միայն 2010թ. վերջում կամ 2011թ. սկզբում:

Մեկնաբանելով ԱՄՆ Սբ. Կլավդիոսի պետական համալսարանի դեկան, AIPRG անդամ Քինգ Բանայանի հայտարարությունն այն մասին, թե Հայաստանը կախում ունի Ռուսաստանից եկող դրամական փոխանցումներից` Վ.Գաբրիելյանը պարզաբանել է, որ դրան են նպաստում մի շարք պատճառներ, որոնց թվում է լեզվի իմացությունն ու ազատ վիզային ռեժիմը: «Մենք ՌԴ-ի հետ երկարաժամկետ փոխհարաբերություններ ունենք, մեր միգրանտների մեծ մասը հենց այնտեղ է, ուստի դրամական փոխանցումների (ՌԴ-ից Հայաստան է մուտք գործում տրանսֆերտների 70 տոկոսը) կրճատումը չէր կարող չանդրադառնալ Հայաստանի տնտեսության վրա»,-ասել է նա: Միեւնույն ժամանակ նա համաձայնվել է, որ Հայաստանին անհրաժեշտ է դիվերսիֆիկացնել իր տնտեսությունը, հետագայում օտարերկրյա, այդ թվում, ՌԴ-ից տրանսֆերտների կախվածությունը նվազեցնելու համար:

Հունիսի 7-9 Երեւանում անցնում էր «Համաշխարհային տնտեսական ճգնաժամի ազդեցությունը Հայաստանի վրա`կարճաժամկետ ու երկարաժամկետ հեռանկարներ» խորագրով միջազգային գիտաժողովը, որի կազմակերպիչն է Միջազգային տնտեսական հետազոտությունների հայկական խումբը (AIPIG):

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով