«Արմավիան» բացել է Երեւան-Բաթում-Երեւան նոր չվերթը

14 հուլիսի 2009 - 12:08 AMT

PanARMENIAN.Net - 2009թ. հուլիսի 12-ից «Արմավիան» բացել է Երեւան-Բաթում-Երեւան նոր չվերթը, ասվում է PanARMENIAN.Net ի ստացած հաղորդագրության մեջ:

Ըստ ընկերության նախագահ Միխաիլ Բաղդասարովի, չվերթը պահանջարկ կունենա ամառային ամիսներին եւ հարմար է հանգստացողների համար: «Ոչ ոքի համար գաղտնիք չէ, որ այսօրվա դրությամբ արձակուրդն Աջարիայում անցկացնելը եւ հարմար է, եւ շահավետ, նույնիսկ հարգի, իսկ այժմ, երբ այնտեղ են թռչում «Արմավիայի» հարմարավետ ինքնաթիռները, առավել հարմարավետ է լինելու»,-ասել է նա:

Հաղորդագրության մեջ ասվում է, որ Բաթումում ուրախ էին «Արմավիայի» նորույթին, քանի որ այսօր Աջարիայում առաջին հերթին սպասում են Հայաստանից ժամանող զբոսաշրջիկներին:

Աջարիայի փոխվարչապետ Լեւան Անթաձեի խոսքերով, Աջարիայում մեծ ուշադրություն են հատկացնում եւ ջերմությամբ են վերաբերվում հայաստանցի հանգստացողներին, ուստի Երեւան-Բաթում-Երեւան նոր չվերթն ուղղակի անհրաժեշտ էր այս ամառ:

Չվերթը կկատարվի շաբաթը մեկ անգամ, կիրակի օրերը, թռիչքի տեւողությունը 40 րոպե է:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով