Ինքնաթիռը փոխադրում էր 153 ուղեւոր, որոնց թվում երկու երեխա եւ անձնակազմի 15 անդամ: Այդ մասին այսօր կայացած մամլո ասուլիսի ժամանակ հայտարարել է Քաղաքացիական ավիացիայի գլխավոր վարչության պետի տեղակալ Արսեն Պողոսյանը: Նրա խոսքերով, տվյալ պահի դրությամբ պարզվել է, որ 168 մարդուց վեցը եղել են Հայաստանի քաղաքացի` Աշոտ Ներսիսյան, Արթուր Գրիգորյան, Կարինե Մարգարյան, Արա Սիրոյան, Գրիգոր Բարսեղյան եւ Սուրեն Սողոմոնյան, ընդ որում վերջին երկուսն անձնակազմի անդամ էին: Աշխատանքներ են տարվում ինքնաթիռում գտնվող Հայաստանի քաղաքացիների ճշգրիտ թվի հետագա պարզման ուղղությամբ: Հայկական ազգանուն ունոցող ուղեւորների թիվը կազմել է 35:

Բացի դրանից, ինքնաթիռում եղել է նաեւ Վրաստանի երկու քաղաքացի` Նաթելլա Նովիկովան եւ Գիվի Չկոդուան: Մյուս ուղեւորներն Իրանի քաղաքացիներ էին: