Հայաստանի կառավարությունը օրինակ է վերցնում Չիլիից

23 հուլիսի 2009 - 20:24 AMT

PanARMENIAN.Net - Իր այսօրվա նիստումՀՀ կառավարությունը հավանություն էտվել Գողթ գյուղականհամայնքի Գառնի-Գեղարդ ավտոմայրուղուն հարողտարածքում ագրոտուրիստական-հյուրատնային կենտրոնի ստեղծման ծրագրին:

Ծրագիրը մշակվել է ՀՀ քաղաքաշինության նախարարության կողմից` ի կատարումն ՀՀ վարչապետի հանձնարարականի, կառուցապատման նախագիծը մշակվելու է մրցույթով: Հաղթող կճանաչվի այն կազմակերպությունը, որը կառաջարկի հողամասը ձեռք բերելու առավել մեծ գին: Ծրագրի իրականացման ընթացքում խրախուսվում է էկոլոգիապես մաքուր նյութերի եւ իբրեւ այլընտրանքային` արեւի էներգիայի օգտագործումը: Վարչապետ Տիգրան Սարգսյանը նշել է, որ այս ձեռնարկով կառավարությունն սկսում է կիրառել ներդրումների ներգրավման նոր մեթոդ, որը հաջողություն է ունեցել Չիլիում: Դրա իմաստն այն է, որ պետությունն ինքն է բիզնես նախագծեր մշակում եւ մասնագետների հավանությունն ստանալուց հետո մրցույթով մասնավոր ներդրող ընտրում: Տվյալ դեպքում Գողթի հյուրատնային կենտրոնի վայրը շահեկան է, քանի որ գտնվում է Գառնի-Գեղարդ ավտոմայրուղու հարեւանությամբ եւ դրանով էլ կարող է գրավիչ լինել ներդրողի համար: Նախագիծը հաջողություն ունենալու դեպքում կարող է կիրառվել գյուղատնտեսության, ենթակառուցվածքների եւ այլ ոլորտներում, ինչպես նաեւ զբոսաշրջային այլ վայրերում:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով