Սեւանի երկրորդ բարեգործական տրիատլոնը հավաքել է 9 հազար դոլար27 հուլիսի 2009 - 14:05 AMT PanARMENIAN.Net - Արդեն երկրորդ անգամ ՀՀ-ում ԱՄՆ-ի դեսպանատունը Սեւանի ափին կազմակերպում է բարեգործական տրիատլոն` վազք, հեծանվավազք եւ լող: Մրցումներին, որոնք անցել են օլիմպիական եւ կարճ ձեւաչափով մասնակցել են ինչպես առանձին անհատներ, այնպես էլ թիմեր: Օլիմպիական ձեւաչափ` 1,5 կմ լող, 40 կմ հեծանվավազք եւ 10 կմ` վազք: Կարճ ձեւաչափ` 500 մ լող, 26 կմ հեծանվավազք եւ 5 կմ վազք: Ինչպես PanARMENIAN.Net ի թղթակցին է հաղորդել մրցումների կազմակերպիչ` ամերիկյան դեսպանատան ներկայացուցիչ Զակ Բուրսթեյնը, այս տարի մրցումներին մասնակցել է շուրջ 75 մարդ: Մասնակիցների թվում էին դեսպանատան, տարբեր կազմակերպությունների աշխատակիցներ, հայաստանաբնակ ամերիկացիներ, ինչպես նաեւ հայեր: Հավաքված գումարը, ինչպես եւ անցյալ տարի, կօգտագործվի բարեգործական նպատակներով: Ըստ Բուրսթեյնի, եռամարտի արդյունքում հավաքվել է 9000 դոլար, որը կհատկացվի Ամերիկայի վիրավոր ծովային հետեւակայինների հիմնադրամին, ինչպես նաեւ «Տիրամայր» ամառային ճամբարին, որտեղ հանգստանում են երեխաներ Հայաստանի անապահով ընտանիքներից: Դեսպանատան ներկայացուցիչը նշել է, որ կազմակերպիչները մտադիր չեն սահմանափակվել այդ գումարով, նվիրատվությունների հավաքագրումը կշարունակվի մեկ ամսվա ընթացքում: Բարեգործական նպատակից բացի, կազմակերպիչները քարոզում էին առողջ ապրելակերպ: Բոլոր երեք մրցումների ավարտին հաղթողներին հանձնվեցին մրցանակներ: Առաջին տրիատլոնը, որ կայացավ 2008-ին, հավաքեց շուրջ 10 000 ԱՄՆ դոլար: Հիշեցնենք, որ PanARMENIAN.Net լրատվական գործակալությունը միջոցառման ինֆորմացիոն հովանավորն է: Ուշագրավ Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա | Ալիև․ ՌԴ-ն երբեք չի հեռանա Կովկասից Նա հավելել է, թե Ադրբեջանին հաջողվել է ՌԴ հետ համագործակցության այնպիսի ձևաչափ մշակել, որը փոխշահավետ է Ծիծեռնակաբերդում Աննա Հակոբյանի ներկայությամբ միջադեպի առնչությամբ 7 ձերբակալված կա Նախաձեռնվել է քրեական վարույթ Երևանում անհնազանդության ակցիաներ են. Փողոցներ են փակվում, կառավարության դիմաց ցույց է Քաղաքացիների կողքին ընդդիմադիր պատգամավորներ կան Նախարար․ 2026–ից բուհ կընդունվեն դպրոցական ավարտական քննությունների արդյունքներով Տավուշի մարզում 2021–22 թվականներից փորձարկվում է հանրակրթության նոր չափորոշիչը |