«Արդշինինվեստբանկը» բանկային համակարգի առաջատարն է 2009թ. վճարած հարկերի ծավալով

31 հուլիսի 2009 - 16:51 AMT

PanARMENIAN.Net - Արդշինիվեստբանկն ընթացիկ տարվա առաջին կիսամյակի տվյալներով ՀՀ բանկային համակարգի առաջատարն է վճարած հարկերի ծավալով եւ 13-րդը` 300 խոշոր հարկատուների շարքում: 2009թ. հունվար-հունիս ամիսներին Արդշինինվեստբանկի կողմից պետական բյուջեին կատարված վճարումները կազմել են 1,6 մլրդ դրամ:

Կիսամյակի արդյունքներովգործունեության հիմնական ցուցանիշների գծով բանկը պահպանել է իր դիրքերը ՀՀ բանկային համակարգի առաջատար եռյակում: Այսպես, բանկն առաջինն է ստացված զուտ շահույթի ծավալով` 1879.4 մլն դրամ, երկրորդը` ընդհանուր կապիտալի մեծությամբ` 26 983.5 մլն դրամ (տեսակարար կշիռը բանկային համակարգում` 10,5%), ինչն, իհարկե, խոսում է Արդշինինվեստբանկի կայունության եւ վստահելիության բարձր մակարդակի մասին: Ընդհանուր ակտիվների եւ ընդհանուր պարտավորությունների մեծությամբ բանկը զբաղեցնում է 3-րդ տեղը:

Ինչպես նշումէԱրդշինինվեստբանկի Վարչության նախագահ Ներսես Կարամանուկյանը, հարկային պարտավորությունների բարեխիղճ կատարմամբ տնտեսվարողները սատարում են պետությանը` ի թիվս այլ խնդիրների, հոգալ նաեւ սոցիալական ծրագրերի ժամանակին եւ արդյունավետ իրականացման գործում: «Արդշինինվեստբանկի կարգախոսը` «Մենք ուժեղ ենք միասին», վկայում է հաճախորդների, գործընկերների եւ պետության հանդեպ ունեցած պարտավորությունների նկատմամբ մեր բարձր պատասխանատվության մասին»,- ասել է Կարամանուկյանը:

Ժամանակակից տեխնոլոգիաները եւ փորձըբանկին հնարավորություն են տալիսմատուցել բարձրորակբանկային ծառայություններ` հաշիվների սպասարկում, փոխանցումներ, փաստաթղթային ակրեդիտիվ, երաշխիքներ, ինկասո, գործառույթներ չեկերով, արտարժույթով, արժեթղթերով եւ կանխիկ դրամով:

Արդշինինվեսբանկն ունի 49 մասնաճյուղ ՀՀ-ում, 6 մասնաճյուղ` ԼՂՀ-ում եւներկայացուցչություն Փարիզում:

Բանկն արժանացելէ Moody's-ի Ba1 երկարաժամկետ եւ Not Prime կարճաժամկետ` տեղական արժութային ավանդների, եւ Ba3 երկարաժամկետ եւ Not Prime կարճաժամկետ վարկանիշերի` արտարժութային ավանդների չափանիշներով, ինչպես նաեւ ֆինանսական կայունության ("BFSR") D- վարկանիշին:

Բանկին շնորհվել է Որակի կառավարման համակարգի միջազգային ISO 9001:2000 սերտիֆիկատ:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով