Պուտինն առաջարկում է Էրդողանին փոխանակել Nabucco-ն Soutf Stream-ի հետ 6 օգոստոսի 2009 - 12:30 AMT PanARMENIAN.Net - Այսօր սկսվում է ՌԴ վարչապետ Վլադիմիր Պուտինի աշխատանքային այցը Թուրքիա: Ըստ ՌԴ կառավարության աշխատակազմի ղեկավարի տեղակալ Յուրի Ուշակովի, Պուտինն ու Էրդողանը օրվա առաջին կեսին մտադիր են շփվել նեղ շրջանակներում, իսկ այնուհետեւ միջկառավարական բանակցություններ կվարեն ընդլայնված կազմով: Ուշակովը նշելէ, որ ամենազգայուն հարցերը, հավանաբար, կլուծվեն հենց նեղ շրջանակներում, քանի որ վարչապետները, որոնք 8 անգամ հանդիպել են, արդեն համապատասխան անձնական շփում ունեն: Առանձնազրույցից հետո ՌԴ-ի եւ Թուրքիայի վարչապետներին կմիանա Իտալիայի վարչապետ Սիլվիո Բերլուսկոնին: Նրա մասնակցությունը կապված է համատեղ էներգետիկ նախագծերի հետ, առաջին հերթին Soutf Stream գազամուղի նախագծի հետ: Նախօրեին հայտնի դարձավ, որ Թուրքիան թույլ կտա կառուցել գազամուղը Սեւ ծովի իր տարածքային ջրերում: ՌԴ կառավարության աշխատակազմը նախապատրաստել է միջկառավարական արձանագրություն, որը նախատեսվում է ստորագրել Անկարայում, որով կողմերը պայմաններ կապահովեն կառուցման համար: Soutf Stream գազամուղը կանցնի Սեւ ծովի հատակով` Նովոռոսիյսկից մինչեւ բուլղարական Վառնա: Այնուհետեւ նրա երկու ճյուղավորումները Բալկանյան թերակղզով կհասնեն Իտալիա եւ Ավստրիա: Նախագիծը պետք է ուժի մեջ մտնի 2013թ.: Թողունակությունը 63 մլրդ խմ է տարեկան: Ներդրումների ընդհանուր ծավալը կկազմի 25 մլրդ եվրո: Թուրքիան նաեւ մասնակցում է Soutf Stream-ի հետ մրցակցող Nabucco գազամուղի նախագծին, որը շրջանցում է Ռուսաստանը: Ինչպես կարծում են փորձագետները, ՌԴ-ն կարող է փորձել իր կողմը քաշել Թուրքիային, որպես այլընտրանք առաջարկելով համագործակցությունը Soutf Stream-ի շրջանակներում: Nabucco-ի վերաբերյալ համաձայնագիրը կնքվեց հուլիսի կեսին: Փաստաթուղթը ստորագրեցին Թուրքիան, Ավստրիան, Հունգարիան, Բուլղարիան ու Ռումինիան: Նախագիծը գնահատվում է շուրջ 7,9 մլրդ դոլար եւ ենթադրում է բնական գազի առաքում դեպի Եվրոպա` Ադրբեջանի, Վրաստանի, Թուրքիայի, Բուլղարիայի, Հունգարիայի, Ռումինիայի ու Ավստրիայի տարածքով: Այն կդառնա Բաքու-Էրզրում գազատարի շարունակությունը: Շինարարությունը նախատեսվում է սկսել 2010թ, իսկ գազի առաքումը` 2014թ.: Բանակցությունների արդյունքում Պուտինն ու Էրդողանը մի շարք փաստաթղթեր կկնքեն էներգետիկ ոլորտում համագործակցության մասին եւ համատեղ մամլո ասուլիս կտան, կստորագրեն արձանագրությունները գազային եւ նավթային ոլորտում համագործակցության մասին: Ընդհանուր առմամբ կստորագրվի շուրջ 16 փաստաթուղթ ռուսական եւ թուրքական կողմերի համագործակցության մասին: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը |