«ԱրմենՏելը» եւ «Սպառողների իրավունքների պաշտպանություն» ՀԿ-ն համագործկցության մասին հուշագիր են ստորագրել 7 օգոստոսի 2009 - 17:52 AMT PanARMENIAN.Net - «ԱրմենՏել» ՓԲԸ -ն (ապրանքանիշը Beeline) եւ «Սպառողների իրավունքների պաշտպանություն» ՀԿ-ն ստորագրեցին համագործակցության հուշագիր, որն ուղղված է մատուցվող ծառայությունների որակի բարելավմանը եւ Beeline հաճախորդների բավարարվածության բարձրացմանը: Համագործակցության շրջանակում նախատեսվում է իրականացնել մի շարք միջոցառումներ, որոնց արդյունքում «ԱրմենՏել» ՓԲԸ-ն կստանա անկախ փորձագիտական տեղեկատվություն իր հաճախորդների բավարարվածության մասին, կկարողանա գնահատել իր գործունեությունը սպառողների իրավունքների պաշտպանության տեսակետից: Կողմերը համաձայնվեցին նաեւ ծավալելու հեռահողարդակցության ոլորտի իրավական դաշտի բարելավմանը ուղղված համատեղ աշախատանքներ: «Ավանդաբար սպառողների իրավունքների պաշտպան հասարակական կազմակերպությունները դիտարկվել են որպես բարիկադի մի կողմում գտնվողներ, իսկ բիզնեսը` մյուս կողմում: Իրականում մենք ունենք ընդհանուր նպատակ: Մենք ուզում ենք, որ մեր հաճախորդը բավարարված լինի»,- ասել է «ԱրմենՏել» ՓԲԸ-ի գլխավոր տնօրեն Իգոր Կլիմկոն: «Սպառողների իրավունքների պաշտպանություն» ՀԿ-ն հեղինակավոր կազմակերպություն է, որն ունի բազմաթիվ նվաճումներ իր ոլորտում, եւ մենք լավատես ենք մեր համագործակցության վերաբերյալ», - հավելել է նա: Իգոր Կլիմկոն հայտնեց նաեւ, որ «Սպառողների իրավունքների պաշտպանություն» ՀԿ-ի հետ համագործակցելով` «ԱրմենՏել»-ը սկսում է սպասարկման որակի բարելավման ծրագրի երկրորդ փուլը: Ըստ «Սպառողների իրավունքների պաշտպանություն» ՀԿ-ի նախագահ Աբգար Եղոյանի, հայաստանյան ընկերությունները նոր-նոր են սկսում համագործակցել հասարակական սեկտորի հետ, եւ «ԱրմենՏել»-ը այդ իմաստով խոշոր բիզնեսի առաջին շարքերում է: «Վստահ եմ, որ այս գործընկերությունը ոչ միայն իրական օգուտ կտա սպառողին, այլեւ կդառնա հասարակական կազմակերպությունների եւ մասնավոր սեկտորի համատեղ աշխատանքի որոշակի մոդել», - ասել է նա: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | «Էջմիածին» դաշինքի ղեկավար Սևակ Խաչատրյանն ազատ է արձակվել նրա մոտ զենք-զինամթերք չի հայտնաբերվել Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով Նա հավելել է, որ ԱՄՆ–ն սատարում է վրաց ժողովրդին ՀՀ նախագահն ԱՄՆ-ում հանդիպել է կուսակցությունների ներկայացուցիչների հետ Նա մանրամասներ է հայտնել Հայաստանի և Ադրբեջանի միջև ընթացքող սահմանազատման գործընթացի վերաբերյալ Սամվել Բաբայան․ Նիկոլին սարքել եք անփոխարինելի, փողոցից ում էլ բռնեն՝ իրենից վատ վարչապետ չի լինի, թող հրաժարական տա Նա ասել է, որ պետք է գնալ նոր ընտրությունների |