Ախթամարի Սբ.Խաչ եկեղեցին ներկայացվում է թանգարանի տեսքով 8 օգոստոսի 2009 - 13:46 AMT PanARMENIAN.Net - Թուրքիայում Ախթամարի Սբ.Խաչ վերանորոգված եկեղեցին գործում է թանգարանի տեսքով: Այդ մասին PanARMENIAN.Net ի թղթակցի հետ զրույցում հայտարարել է Սանքտ Պետերբուրգի ժամանակակից Մերձավոր Արեւելքի ուսումնասիրման կենտրոնի առաջատար վերլուծաբան Ալեքսանդր Սոտնիչենկոն: Նրա խոսքերով, նույնիսկ եթե եկեղեցու վրա խաչ տեղադրվի, դա ոչինչ չի նշանակի, քանի որ որքանով իրեն է հայտնի եկեղեցու վրա թուրքական դրոշ է տեղադրված: «Թուրքիայի գործողությունները Արեւմուտքին ու ՌԴ-ին ուղղված խաղ են»,-ասել է ռուս վերլուծաբանը: Ընդ որում Սոտնիչենկոն նշել է, որ Թուրքիան գրագետ տեղեկատվական քաղաքականություն է վարում: «Որոշ ժամանակ առաք Թուրքիան իր հաշվին հրավիրել էր մեծաթիվ ռուս եւ օտարերկրյա լրագրողների` հին հայկական հուշարձանները նրանց ցույց տալու նպատակով, փորձելով ասել թե «իբր մեր միջեւ ոչ մի հակամարտություն չկա»: Եվ հետո, ես չեմ կարծում, թե Թուրքիան դեմ կլինի, եթե Ախթամարը նոր զբոսաշրջային կենտրոն դառնա»,-ասել է ռուս թրքագետը: Նրա խոսքերով, Թուրքիան իր բոլոր գործողություններով ցանկանում է ցույց տալ, որ ինքը հարգանքով է վերաբերվում այն ժողովրդների մշակույթին, որոնք նախկինում ապրել են իր տարածքում: Սակայն, անկախ բոլոր «խելացի» քաղաքական քայլերից` մի բան է վերականգնել եկեղեցին, այլ բան է` բացել սահմանը, մեկը մյուսի հետ կապ չունի: «Հայ-թուրքական հարաբերությունների կարգավորմամբ Թուրքիան փորձում է տարածել իր ազդեցությունը Կովկասում»,-ասել է ռուս վերլուծաբանը` հավելելով, որ Բաքվում վախենում են հայ-թուրքական հարաբերությունների բարելավումից: «Թուրք-ադրբեջանական հարաբերություններն արդեն այդքան ամուր չեն, ինչպես նախկինում: 90-ականներին թուրքական կառավարությունն ավելի ամուր էր կապված Ադրբեջանի հետ, իսկ ներկայիս կառավարությունը Բաքվի շահերին դեմ է գնում, քանի որ շահագրգիռ է հայ-թուրքական հարաբերությունների կարգավորման հարցում: Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | ՀՀ-ն փաստագրում է ԼՂ-ի հուշարձանների նկատմամբ վանդալիզմի դեպքերը և ներկայացնում միջազգային հարթակներում Լեռնային Ղարաբաղի հուշարձանների հետ կապված մշտադիտարկման խմբեր են գործում Խոսնակ․ Որևէ հայտարարություն, որը չի հնչել կամ հաստատվել վարչապետի կողմից՝ պաշտոնապես հերքվում է Նա նշել է, որ Փաշինյանին որոշ աղբյուրների կողմից վերագրվում են տարբեր հայտարարություններ Փաստաբան․ Քերոբյանի գործով քննությունն անարդյունավետ է, սահմանափակումները՝ ոչ համաչափ Ըստ նրա, բոլոր գործողությունները հնարավոր էր իրականացնել 2 ամսում Մախսուդյան․ Փաշինյանը երաշխիք է տվել` ոսկեպարցիների ուզածով է լինելու Մախսուդյանը Վերին Ոսկեպարի մասին հարց է ուղղել, Փաշինյանն ասել է, որ փորձելու են անկլավների հետ փոխանակել |