Սեդրակ Աճեմյան. Թուրքիան փորձում է ամեն գնով փակել Հայոց ցեղասպանության հարցը

PanARMENIAN.Net - Հայաստանի համար Թուրքիայի դիրքորոշումը նորություն չէ, այսօր Երեւանում կայացած «Հայ-թուրքական հարաբերությունները` անցյալն ու ապագան» սեմինարի ժամանակ հայտնել է Սոցիալ-դեմոկրատական հնչակյան կուսակցության (ՍԴՀԿ) Կենտրոնական վարչության նախագահ Սեդրակ Աճեմյանը: Նրա խոսքով, Եվրոպայում եւ ԱՄՆ-ում Թուրքիան արդեն ամրապնդել է իր դիրքորոշումը Հայոց ցեղասպանության առնչությամբ: Այժմ Անկարան փորձում է նույն այդ դիրքորոշումը առաջ տանել նաեւ Կովկասում:



«Թուրքիան պակաս ռեսուրսներ եւ միջոցներ չի ծախսել, որպեսզի փակի Հայոց ցեղասպանության հարցը»,- ընդգծել է Սեդրակ Մկրտչյանը: Ընդ որում, Աճեմյանը նկատել է, որ նույնն Անկարան, հայտարարելով «ճանապարհային քարտեզի» մասին, արեց ապրիլի 23-ին` ԱՄՆ նախագահ Բարակա Օբամայի ելույթից անմիջապես առաջ, երբ նա պետք է արտասաներ «ցեղասպանություն» բառը:



«Հայոց ցեղասպանության հարցը համահայկական հարց է, երը պետք է անհապաղ լուծում ստանա»,- ասել է Աճեմյանը` նշելով, որ ոչ Հայաստանի, ոչ էլ սփյուռքի համար ընդունելի չէ հարցի այլ լուծում, քան Թուրքիայի կողմից Հայոց ցեղասպանության ճանաչում: Հայաստանի եւ սփյուռքի ջանքերի ու նպատակաուղղվածության շնորհիվ արդեն քսան պետություններ ճանաչել են Հայոց ցեղասպանությունը: