Արդշինինվեստբանկը ձեռնամուխ է եղել նոր` միջազգային դրամական փոխանցումների համակարգի` RIA-ի իրականացմանը

25 օգոստոսի 2009 - 16:41 AMT

PanARMENIAN.Net - 2009թ. օգոստոսի 24-ից Արդշինինվեստբանկի բոլոր մասնաճյուղերը սկսել են սպասարկել RIA միջազգային դրամական փոխանցումների համակարգը, հաղորդում է բանկի մամլո ծառայությունը:

Հաղորդագրության համաձայն, նոր համակարգը հնարավորություն է տալիս Արդշինինվեստբանկի հաճախորդներին կատարել արագ դրամական փոխանցումներ աշխարհի ավելի քան 100 երկրներում տեղակայված շուրջ 70 000 սպասարկման կետերի միջոցով:

Այս ոլորտում ունեցած բազմամյա փորձի շնորհիվ RIA-ն համարվում է արագ եւ վստահելի համակարգերից մեկն աշխարհում:

Արդշինինվեստբանկը դրամական փոխանցումների ոլորտում համագործակցում է Պրոմսվյազբանկի, Սոցգորբանկի, Ֆորա բանկի, Սբերբանկի հետ, ինչպես նաեւ անդամակցում է Contact, MoneyGram, Migom, Արագ փոստ, Intel Express համակարգերին:

Արդշինինվեստբանկի Վարչության նախագահ Ներսես Կարամանուկյանի խոսքերով. «Բանկի նպատակն է օգնել մեր հայրենակիցներին, նրանց հարազատներին եւ գործընկերներին արագ, մատչելի եւ վստահելի համակարգերով կատարել իրենց գումարների փոխանցումները ինչպես դեպի Հայաստան, այնպես էլ Հայաստանից դեպի արտերկիր: Այս ոլորտում Արդշինինվեստբանկը համագործակցում է միայն առաջատար, հեղինակավոր, փորձառու եւ վստահելի ընկերությունների հետ, որոնցից մեկն էլ RIA համակարգն է»:

Ժամանակակից տեխնոլոգիաները եւ փորձըբանկին հնարավորություն են տալիսմատուցել բարձրորակբանկային ծառայություններ` հաշիվների սպասարկում, փոխանցումներ, փաստաթղթային ակրեդիտիվ, երաշխիքներ, ինկասո, գործառույթներ չեկերով, արտարժույթով, արժեթղթերով եւ կանխիկ դրամով:

Արդշինինվեսբանկն ունի 49 մասնաճյուղ ՀՀ-ում, 6 մասնաճյուղ` ԼՂՀ-ում եւներկայացուցչություն Փարիզում:

Բանկն արժանացել է Moody's-ի Ba1 երկարաժամկետ եւ Not Prime կարճաժամկետ` տեղական արժութային ավանդների, եւ Ba3 երկարաժամկետ եւ Not Prime կարճաժամկետ վարկանիշերի` արտարժութային ավանդների չափանիշներով, ինչպես նաեւ ֆինանսական կայունության ("BFSR") D- վարկանիշին:

Բանկին շնորհվել է Որակի կառավարման համակարգի միջազգային ISO 9001:2000 սերտիֆիկատ:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով