Հայաստանի Ֆինանսների նախարարությունը ՆՀԱ 10-15% անկում է կանխատեսում 2009-ի արդյունքներով28 օգոստոսի 2009 - 15:22 AMT PanARMENIAN.Net - Հայաստանում ՆՀԱ ցուցանիը 2009-ի արդյունքներով կտատանվի 10-15% սահմաններում, գտնում է Հայաստանի ֆինանսների նախարար Տիգրան Դավթյանը: «Տարեկան կտրվածքով ՆՀԱ ցուցանիշն ավելի հուսալի կլինի, քան ընթացիկ տարվա յոթ ամիսների ընթացքում, եւ մենք 18%-ից ցածր ցուցանիշ կունենանք: Կանխատեսումներ կան, որոնց համաձայն այդ ցուցանիշը կտատանվի 10-15% սահմաններում»,- ասել է նա:Ինչպես պարզաբանել է ֆինանսների նախարարը, ՆՀԱ ցուցանիշի կանխատեսման համար օգտագործվում են զանազան մեխանիզմներ, մեթոդաբանություններ ու մոտեցումներ, որոնք իրենց առանձնահատկություններն ունեն, իսկ այդ կանխատեսումներով ստացված արդյունքները, թեեւ ոչ զգալիորեն, բայց եւ այնպես տարբերվում են: «Հստակ կանխատեսումներն իրենց ներկայացնում են մի շատ բարդ մեխանիզմ եւ կախված են շատ ցուցանիշներից, իսկ տնտեսությունն այնպիսի բարդ համակարգ է, որ անհնար է կանխատեսման ցանկացած մոդելի օգտագործման դեպքում ներառել բոլոր ցուցանիշները»,- նշել է Դավթյանը: Իսկ ինչ վերաբերում է հաջորդ տարվա կանխատեսումներին, ապա այդ առիթով Ֆինանսների նախարարության ղեկավարն ավելացրել է, որ 2010 թվականին սպասվում է տնտեսության աստիճանական վերականգնում: «Մենք 1-1.5% տնտեսական աճ ենք կանխատեսում 2010-ին, իսկ այն բյուջեն, որը Նախարարությունը մշակում է հաջորդ տարվա համար, ելնելու է այդ կանխատեսումներից»,- նշել է նա: Ֆինանսների նախարարի կանխատեսումների համաձայն, Հայաստանում գնաճը չի գերազանցի պետբյուջեում ծրագրված մակարդակը, իսկ վերջին ամսվա ընթացքում անգամ ոչ մեծ սեզոնային գների անկում է արձանագրվել: «Մեր կանխատեսումներով, հաջորդ տարի երկրում գնաճը նույնպես ցածր է լինելու»,- ավելացրել է Դավթյանը: 2009թ. հունվար-հուլիսին Հայաստանում 2.7% մակարդակով գնաճ է արձանագրվել ի համեմատ 2008թ. նույն շրջանի հետ: Ընթացիկ տարվա հուլիսին հունիսի համեմատ արձանագրվել է 2.7% գների անկում: Պետբյուջեի համաձայն, 2009թ. Հայաստանում գնաճը ծրագրված է 4% (+/-1,5%) մակարդակով: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |