  Հայաստանում մեկնարկել է «Արի տուն» ծրագրի 4-րդ փուլը 8 սեպտեմբերի 2009 - 23:04 AMT PanARMENIAN.Net - Սեպտեմբերի 7-ին մեկնարկեց ՀՀ սփյուռքի նախարարության «Արի տուն» ծրագրի 4-րդ փուլը: Ծրագրին մասնակցում են շուրջ 40 սփյուռքահայ երիտասարդներ Իրանից, Թուրքիայից, Ռուսաստանից, Վրաստանից (Թբիլիսիից, Բաթումիից): Ծրագրի ընթացիկ փուլի մասնակիցների հետ հանդիպմանը ՀՀ սփյուռքի նախարար Հրանուշ Հակոբյանը շնորհակալություն հայտնեց մասնակցության հրավերն ընդունելու համար: Նա նշեց, որ հայաստանցի եւ սփյուռքահայ հասակակիցների հետ շփումը ուրախություն եւ հրճվանք է պատճառել ծրագրի նախորդ փուլերի մասնակիցներին: Հ.Հակոբյանը համոզմունք հայտնեց, որ այս փուլի մասնակիցները եւս ավելի կկապվեն Հայրենիքին: «Դուք շարունակելու եք լինել այն երկրի լավ քաղաքացին, որտեղ ապրում եք, բայց հոգով, սրտով եւ մտքով միշտ լինելու եք Հայրենիքում», - ընդգծեց տիկին նախարարը:Շեշտելով, որ ՀՀ սփյուռքի նախարարությունը իրենց երկրորդ տունն է, նա հավաստեց, որ նախարարության աշխատակիցները պատրաստ են իրականաություն դարձնել ծրագրի մասնակիցների ցանկությունները: Հ. Հակոբյանը երախտիքի խոսքեր ուղղեց սփյուռքահայ երիտասարդներին հյուրընկալող ընտանիքներին, ինչպես նաեւ Երեւանի քաղքապետարանին եւ վարչական շրջանների ղեկավարությանը` ծրագրի իրականացմանը լավագույնս մասնակցելու համար: Նա սփյուռքահայ երիտասարդներին հորդորեց Հայրենիքում լինելու ընթացքում խոսել հայերեն եւ մաղթեց Հայրենիքի նկատմամբ անսահման սեր, որպեսզի «տան զգացողությունը» հավերժ ուղեկցի նրանց: Ինչպես գիտենք, ծրագրի նպատակն է Հայաստան-հայրենիքը ճանաչելի դարձնել աշխարհասփյուռ հայ երիտասարդներին, նպաստել սփյուռքահայ երիտասարդության մեջ հայրենադարձությանը, արմատավորել ազգային արժեքային համակարգ, ծանոթացնել հայրենիքի պատմամշակութային արժեքներին, հայ ընտանիքին, հայաստանյան ավանդույթներին եւ սովորույթներին, աջակցել Հայաստան-Սփյուռք բարոյահոգեբանական, կրթամշակութային մերձեցմանը: Ծրագրի առաջին փուլը մեկնարկել է դեռեւս 2009թ. հուլիսին, որի ընթացքում յուրաքանչյուր ամիս նախապես ձեւավորված 14-25 տարեկան սփյուռքահայ երիտասարդների 3 խումբ 2 շաբաթով հաջորդաբար հյուրընկալվում է հայաստանաբնակ հայ ընտանիքներում: Ինչպես նախորդ երեք փուլերի ընթացքում, այս անգամ էլ երիտասարդները կմասնակցեն հայրենագիտության, հայկական պարի դասընթացներին, կայցելեն թանգարաններ պատկերասրահներ, կծանոթանան պատմամշակութային հուշարձաններին, տեսարժան վայրերին` ե'ւ մայրաքաղաք Երեւանում, ե'ւ Հայաստանի մյուս մարզերում:   Ուշագրավ Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար   Ամենաընթերցվողը բաժնում |  Բաժիններ թեմայով Սյուժե Վերջին լուրեր Ադրբեջանը մտադիր չէ ԵԱՏՄ անդամ դառնալ  Նա հավելել է, սակայն, որ դա չի նշանակաում, որ դա չի կարող քննարկման առարկա դառնալ ապագայումՏավուշ-Ղազախ հատվածում տեղադրվել է առաջին սահմանային սյունը․ Փաշինյանը լուսանկար է հրապարակել Երկու երկրների փորձագիտական խմբերի աշխատանքները շարունակվում ենԱլիև․ Բաքուն համաձայն է, որ Ադրբեջանի և ՀՀ ԱԳ նախարարների հանդիպումը կայան Ղազախստանում Հանդիպումը տեղի կունենա, եթե Հայաստանը ևս տա իր համաձայնությունըՀՅԴ բյուրո․ ՀՀ իշխանության ներկայացուցիչներն անթաքույց սկսել են առաջ մղել թուրքական ժխտողական մոտեցումները Նշվում է, որ վարչապետը Ցեղասպանությունը բնութագրում է որպես Մեծ եղեռն՝ փաստացի հրաժարվելով այն իրավաքաղաքական գնահատականից |
